അതായത് എല്ലാം വലയം ചെയ്ത ത്രികാലജ്ഞാനിയും ഉള്ളിന്‍റെ ഉള്ള് അറിയുന്ന സൂക്ഷ്മജ്ഞാനിയുമായ അല്ലാഹുവില്‍ നിന്ന് ഒരാളും എപ്പോഴും എവിടെയും ഏതവസ്ഥയിലും മറഞ്ഞ് നില്‍ക്കുന്നില്ല. 67: 12-14 സൂക്തങ്ങളില്‍, നിശ്ചയം തങ്ങളുടെ നാഥനെ കാണാതെകണ്ട് ഭയപ്പെടുന്നവര്‍ക്ക് പാപമോചനവും വമ്പിച്ച പ്രതിഫലവുമുണ്ട്. നിങ്ങള്‍ പതുക്കെപ്പറഞ്ഞാലും ഉറക്കെപ്പറഞ്ഞാലും ശരി, നിങ്ങളുടെ നെഞ്ചുകളുടെ അവസ്ഥ അറിയുന്നവനാണ് അവന്‍. സൃഷ്ടിച്ചവന് തന്‍റെ സൃഷ്ടിയെക്കുറിച്ച് അറിവില്ലെന്നോ! എന്നാല്‍ അവന്‍ ഉള്ളിന്‍റെ ഉളള് അറിയുന്ന സൂക്ഷ്മജ്ഞാനിയും എല്ലാം വലയം ചെയ്ത ത്രികാലജ്ഞാനിയുമാകുന്നു എന്ന് പറഞ്ഞിട്ടുണ്ട്. 2: 234; 6: 59; 10: 61 വിശദീകരണം നോക്കുക.