'അപ്പോള്‍ നാം അവരോട് പ്രതികാരം ചെയ്തു' എന്ന് പറയാതെ 'അവരില്‍ നിന്നുള്ളവരോട് പ്രതികാരം ചെയ്തു' എന്ന് പറഞ്ഞതിന്‍റെ വിവക്ഷ, ആ ജനതയിലുള്ള അക്രമികളെ നശിപ്പിക്കുകയും ശുഐബ് നബിയെയും വിശ്വാസികളെയും രക്ഷപ്പെടുത്തുകയും ചെയ്തു എന്നാണ്. ഐക്കാവാസികളുടെ വാസസ്ഥലമായിരുന്ന തബൂക്കും മദ്യനും ഇജാസില്‍ നിന്ന് പലസ്തീന്‍, സിറിയ എന്നിവിടങ്ങളിലേക്ക് പോകുന്ന വഴിയില്‍ തന്നെയാണ് സ്ഥിതിചെയ്യുന്ന ത്. ഇവിടെപ്പറഞ്ഞ രണ്ട് ജനത ലൂത്തിന്‍റെ ജനതയും ശുഐബ് നബിയുടെ ജനതയായ മദ്യന്‍ വാസികളും ഐക്ക വാസികളുമടങ്ങുന്ന ജനതയുമാണ്. ര ണ്ടുകൂട്ടരും യാത്രക്കാരെ കവര്‍ച്ച ചെയ്യുന്നവരും അളവിലും തൂക്കത്തിലും കൃത്രിമം കാണിക്കുന്നവരും കൊള്ളയും കൊലയും നടത്തുന്നവരുമായിരു ന്നു. രണ്ട് കൂട്ടരെയും ഒരു ഘോരഗര്‍ജ്ജനം മുഖേന തന്നെയാണ് നശിപ്പിച്ചതും. 7: 90-93; 11: 89, 94-95; 15: 73-74 വിശദീകരണം നോക്കുക.