അല്ലാഹുവും അദ്ദിക്റും ഒന്നാണെന്നിരിക്കെ ആരാണോ അദ്ദിക്റിനെ മുറുകെപ്പിടിച്ചത്, അവന്‍ അല്ലാഹുവിനെയാണ് മുറുകെപ്പിടിച്ചത്. അവനില്‍ പിശാചിന് യാതൊരു സ്വാധീനവുമില്ല. 26: 212 ല്‍, നിശ്ചയം പിശാചുക്കള്‍ അദ്ദിക്ര്‍ കേള്‍ക്കുന്നതിനെത്തൊട്ട് അകറ്റപ്പെട്ടവരാണ് എന്ന് പറഞ്ഞിട്ടുണ്ട്. അല്ലാഹുവിന്‍റെ പ്രതിനിധിയായി ജീവിക്കുന്ന വിശ്വാസികള്‍ക്ക് കടിഞ്ഞാണ്‍ കൊണ്ട് കുതിരയെ നിയന്ത്രിക്കുന്നവിധം പിശാചിനെ നിയന്ത്രിക്കാന്‍ സാധിക്കുമെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 4: 118, 174-175; 23: 97-98 വിശദീകരണം നോക്കുക.