പിന്നെ ആ ബീജത്തെ നാം ഒരു രക്തപിണ്ഡമായി സൃഷ്ടിച്ചു, അനന്തരം ആ രക്തപിണ്ഡത്തെ നാം ഒരു മാംസപിണ്ഡമായി സൃഷ്ടിച്ചു, തുടര്‍ന്ന് ആ മാംസ പിണ്ഡത്തെ അസ്ഥികളാക്കി, എന്നിട്ട് ആ അസ്ഥികളെ നാം മാംസം കൊണ്ട് പൊതിഞ്ഞു, പിന്നീട് മറ്റൊരു സൃഷ്ടിയായി നാം അവനെ വളര്‍ത്തിക്കൊ ണ്ടു വന്നു, അപ്പോള്‍ സൃഷ്ടികര്‍ത്താക്കളില്‍ ഏറ്റവും നല്ലവനായ അല്ലാഹു അനുഗ്രഹമുടയവനാകുന്നു.
'സൃഷ്ടികര്‍ത്താക്കളില്‍ ഏറ്റവും നല്ലവന്‍' എന്ന് പറഞ്ഞതില്‍ നിന്നും അല്ലാഹുവിനെക്കൂടാതെ സൃഷ്ടികര്‍ത്താക്കള്‍ വേറെയുമുണ്ടെന്ന് വരുന്നു. എന്നാ ല്‍ ഇല്ലായ്മയില്‍ നിന്ന് സൃഷ്ടിക്കാന്‍ കഴിവുള്ളവന്‍ അല്ലാഹു മാത്രമാണ്. അവസാനനാളിന്‍റെ പ്രധാനപ്പെട്ട പത്ത് അടയാളങ്ങളില്‍ ഒന്നായി മനുഷ്യരൂപം പൂണ്ടുവരുന്ന പിശാചായ മസീഹുദ്ദജ്ജാല്‍ കാഫിറുകള്‍ക്ക് അവരുടെ മരിച്ചുപോയ മാതാപിതാക്കളെ ക്ലോണിംഗ് മുഖേനയോ മറ്റോ സൃഷ്ടിച്ചുകൊടു ക്കുന്നതും ആ മാതാപിതാക്കള്‍ 'കുഞ്ഞുമോനേ! ഇവന്‍ നിന്‍റെ റബ്ബാണ്, ഇവനെ സ്വീകരിച്ചുകൊള്ളുക' എന്ന് അവനോട് പറയുന്നതുമാണ്. 4: 159; 16: 78; 22: 5 വിശദീകരണം നോക്കുക.