ജീവിതലക്ഷ്യം മനസ്സിലാക്കി ഇവിടെവെച്ച് സ്വര്‍ഗം പണിതുകൊണ്ടിരിക്കുന്ന സൂക്ഷ്മാലുക്കള്‍ക്ക് എല്ലാവിധ അനുഭൂതികളും ശാശ്വതമായി ആ സ്വര്‍ഗത്തില്‍ ലഭിച്ചുകൊണ്ടിരിക്കും എന്നാണ് സൂക്തം പറയുന്നത്. ഇന്ന് വിശ്വാസി എങ്ങനെയാണ് സ്വര്‍ഗം പണിയേണ്ടത് എന്ന് മനസ്സിലാക്കാന്‍ 7: 205-206 സൂക്തങ്ങളുടെ വിശദീകരണം വായിക്കുക. ഇവിടെവെച്ച് സ്വര്‍ഗം പണിതവര്‍ക്ക് അവര്‍ ഇവിടെ പണിതസ്വര്‍ഗം ചോദിച്ചുവാങ്ങാവുന്നതാണ്. അഥവാ ഗ്രന്ഥം അവര്‍ക്കുവേണ്ടി സാക്ഷിനില്‍ക്കുകയും വാദിക്കുകയും ശുപാര്‍ശ ചെയ്യുകയും ശുപാര്‍ശ ചെയ്യിപ്പിക്കുകയും ചെയ്യുന്നതാണ്. 41: 30-32; 76: 21 -22 വിശദീകരണം നോക്കുക.