എല്ലാ പ്രവാചകന്മാരും അല്ലാഹുവില്‍ നിന്നുള്ള ഏകസന്ദേശമായ അദ്ദിക്ര്‍ കൊണ്ടാണ് ജനങ്ങളെ ഉപദേശിച്ചിരുന്നത്. എന്നാല്‍ ഹൂദിന്‍റെ ജനത എന്നല്ല, എക്കാലത്തുമുള്ള ജനതയില്‍ പെട്ട നരകത്തിലേക്കുള്ള ആയിരത്തില്‍ തൊള്ളായിരത്തി തൊണ്ണൂറ്റി ഒമ്പതുപേരും അദ്ദിക്റിനെ തള്ളിപ്പറയുന്നവരാണ്. അതുകൊണ്ടാണ് 'നീ ഞങ്ങളെ ഉപദേശിക്കുന്നതും ഞങ്ങളെ ഉപദേശിക്കുന്നവരില്‍ പെടാതിരിക്കുന്നതും സമമാണ്' എന്ന് ഹൂദിനോട് ആ ജനത പറഞ്ഞത്. ഇന്ന് ലോകത്തുള്ള മനുഷ്യരില്‍ ഫുജ്ജാറുകള്‍ മാത്രമാണ് അന്ത്യപ്രവാചകനായ മുഹമ്മദിന്‍റെ ജനതയില്‍ പെടുക. അവര്‍ തന്നെയാണ് അദ്ദിക്റിനെ മൂടിവെക്കുന്നവരും തള്ളിപ്പറയുന്നവരും. ഇന്നുള്ള ഇതര ജനവിഭാഗങ്ങളെല്ലാം പ്രവാചകന്‍ മുഹമ്മദിന്‍റെ സമുദായത്തിലാണ് ഉള്‍പ്പെടുന്നത്. വിചാരണക്ക് ശേഷം അവരെയെല്ലാം ഒരിക്കല്‍ കുടിച്ചാല്‍ പിന്നെ ഒരിക്കലും ദാഹം വരാത്ത കൗസര്‍ തടാകത്തില്‍ നിന്ന് കുടിപ്പിക്കുന്നതും സ്വര്‍ഗ്ഗവും നരകവുമല്ലാത്ത ഇതരലോകങ്ങളിലേക്ക് അയക്കുന്നതുമാണ്. 15: 90-91; 21: 24; 36: 10-11 വിശദീകരണം നോക്കുക.