പ്രവാചകന്‍റെ കാലത്തെ ബലഹീനരായ വിശ്വാസികളെ ഉഹ്ദ് യുദ്ധത്തിനുവേണ്ടി പ്രേരിപ്പിച്ചുകൊണ്ട് അവതരിപ്പിക്കപ്പെട്ട സൂക്തമാണിത്. എല്ലാകാലത്തുമുള്ള വിശ്വാസികളും കാഫിറുകള്‍ക്കെതിരെ യുദ്ധം ചെയ്യുന്നതിന് സമ്പത്തോ അധികാരമോ സ്വാധീനമോ ഇല്ലാത്തവരായിരുന്നു. എന്നാല്‍ അവര്‍ സര്‍വ്വശക്തനായ നാഥന്‍റെ സംഘക്കാരും അവനുവേണ്ടി യുദ്ധം ചെയ്യുന്നവരുമാണ് എന്ന ബോധ്യമുള്ളവരായിരുന്നു അവര്‍. 16: 89 ല്‍, എല്ലാ ഓരോ കാര്യവും വിശദീകരിച്ചിട്ടുള്ള അദ്ദിക്ര്‍ സര്‍വ്വവും നാഥന് സമര്‍പ്പിച്ച മുസ്ലിംകള്‍ക്ക് സന്മാര്‍ഗവും കാരുണ്യവും ശുഭവാര്‍ത്താദായകവുമാണ് എന്ന് പറഞ്ഞിട്ടുണ്ട്. 2: 214; 3: 79, 112 വിശദീകരണം നോക്കുക.