ബദ്ര്‍ യുദ്ധത്തില്‍ വിശ്വാസികള്‍ കാഫിറുകളെ വധിച്ചിട്ടില്ല, എന്നാല്‍ അല്ലാഹുവാണ് വധിച്ചത് എന്നാണ് പറയുന്നത്. യഥാര്‍ത്ഥത്തില്‍ വിശ്വാസികള്‍ അല്ലാഹുവിനുവേണ്ടി മാത്രം ജീവിക്കുന്ന അവന്‍റെ പ്രതിനിധികളാണ്. അവരുടെ ഏതൊരു വിഷയത്തിലും സ്വാര്‍ത്ഥത, സ്വജനപക്ഷപാതം, വര്‍ഗീയത തുടങ്ങിയ നിഷേധപരമായ ദുര്‍ഗുണങ്ങള്‍ കടന്നുകൂടുകയില്ല. അവര്‍ എല്ലായ്പ്പോഴും അല്ലാഹുവിനെ സ്മരിക്കുന്നവരും അല്ലാഹുവിന് ജീവാര്‍പ്പണം ചെയ്തവരുമാണ്. സത്യമറിഞ്ഞ് നിഷേധിക്കുകയും സത്യത്തെ നശിപ്പിക്കുന്നതിനുവേണ്ടി തന്ത്രങ്ങള്‍ മെനയുകയും കച്ചകെട്ടിയിറങ്ങുകയും ചെയ്യുന്ന കാഫിറു കള്‍ ഒരിക്കലും വിജയം വരിക്കുകയില്ല. 3: 90-91 സൂക്തങ്ങളില്‍ വിവരിച്ച പ്രകാരം വിധിദിവസം അവര്‍ എന്തുതന്നെ തെണ്ടം കൊടുത്താലും അവര്‍ക്ക് വിധിദിവസത്തെ ശിക്ഷയില്‍ നിന്ന് രക്ഷപ്പെടാനും സാധ്യമല്ല. 3: 144-145; 4: 76 വിശദീകരണം നോക്കുക.