ഈസാ രണ്ടാമത് വന്ന് കാഫിറായ മസീഹുദ്ദജ്ജാലിനെ വധിക്കുന്നതോടുകൂടി യഥാര്‍ത്ഥ ഇസ്ലാം ലോകമെങ്ങും വ്യാപിക്കുമ്പോള്‍ അദ്ദിക്റിനെ മൂടിവെച്ചുകൊണ്ടിരുന്ന, അല്ലാഹു കൊന്നുകളഞ്ഞ കപടവിശ്വാസികളും അവരുടെ അനുയായികളുമടങ്ങിയ അറബി ഖുര്‍ആന്‍ വായിക്കുന്ന ഫുജ്ജാറുകള്‍ അവരുടെ ജീവിതം മുഴുവന്‍ അദ്ദിക്റിന്‍റെ വെളിച്ചത്തില്‍ ക്രമപ്പെടുത്തി അല്ലാഹുവിന് സമര്‍പ്പിച്ച് ജീവിച്ചിരുന്നുവെങ്കില്‍ എത്ര നന്നായിരുന്നേനെ എന്ന് ആഗ്രഹിച്ചുപോകും എന്നാണ് സൂക്തം മുന്നറിയിപ്പ് നല്‍കുന്നത്. ഇജാസില്‍ മഹ്ദി വരുന്നതോടുകൂടി ലോകത്തുള്ള വിശ്വാസികള്‍ ഇജാസിലേക്ക് വേര്‍തിരിക്കപ്പെടുന്നതും അപ്പോള്‍ ഫുജ്ജാറുകള്‍ 'ഓ എന്‍റെ നാഥാ! ഞാന്‍ അദ്ദിക്ര്‍ പിന്‍പറ്റിയിരുന്നെങ്കില്‍ വിശ്വാസികളോടൊപ്പം ഞാനും ഇജാസിലേക്ക് വേര്‍തിരിക്കപ്പെടുമായിരുന്നുവല്ലോ' എന്ന് വിലപിക്കുന്നതാണ് എന്നും ആശയമുണ്ട്. 39: 55 ല്‍, ശിക്ഷ അഥവാ മരണം നിങ്ങള്‍ക്ക് വന്നുപെടുന്നതിനുമുമ്പ് നിങ്ങളുടെ നാഥനില്‍ നിന്ന് ഇറക്കപ്പെട്ട ഏറ്റവും നല്ലത് -അദ്ദിക്ര്‍- പിന്‍പറ്റുക എന്നും; 39: 56-58 സൂക്തങ്ങളില്‍, അങ്ങനെ ചെയ്യാത്തവര്‍; ഓ കഷ്ടം, ഞാന്‍ അല്ലാഹുവിന്‍റെ കാര്യത്തില്‍ അശ്രദ്ധനായല്ലോ, ഞാന്‍ അല്ലാഹുവിന്‍റെ മാര്‍ഗ്ഗത്തെ പരിഹസിക്കുന്നവനായല്ലോ, അല്ലെങ്കില്‍ അല്ലാഹു എന്നെ സന്‍മാര്‍ഗത്തില്‍ ആക്കിയിരുന്നുവെങ്കില്‍ ഞാന്‍ സൂക്ഷ്മതയുള്ളവരില്‍ പെട്ടവനാകുമായിരുന്നല്ലോ, അല്ലെങ്കില്‍ ശിക്ഷ കാണുമ്പോള്‍ 'എനിക്ക് ഒരു അവസരം കൂടി കിട്ടിയിരുന്നുവെങ്കില്‍ ഞാന്‍ അല്ലാഹുവിനെ കണ്ടുകൊണ്ട് ചരിക്കുന്നവരില്‍ പെട്ടവന്‍ തന്നെ ആകുമായിരുന്നല്ലോ' എന്ന് വിലപിക്കുമെന്നും; 39: 59 ല്‍, അവരുടെ മരണസമയ ത്ത് നാഥന്‍ അവരോട്: അല്ല, നിനക്ക് എന്‍റെ സൂക്തങ്ങള്‍ വന്നുകിട്ടി, അപ്പോള്‍ നീ അവയെ തള്ളിപ്പറഞ്ഞു, നീ എല്ലാം തികഞ്ഞവനാണെന്ന് അഹങ്കരിക്കുകയും ചെയ്തു, നീ കാഫിറുകളില്‍ പെട്ടവന്‍ തന്നെയായിരുന്നു എന്ന് പറയുമെന്നും മുന്നറിയിപ്പ് നല്‍കിയിട്ടുണ്ട്. 4: 91; 8: 2-4; 14: 28-30 വിശദീകരണം നോക്കുക.