എല്ലാ തെറ്റിദ്ധാരണകളും തിരുത്താനും ജീവിതലക്ഷ്യം മനസ്സിലാക്കാനുമുള്ളതാണ് അദ്ദിക്ര്‍. പരലോകത്തെ നിഷേധിക്കുന്നവര്‍ ജീവിതലക്ഷ്യം വെടിഞ്ഞവരും ഐഹികജീവിതം കൊണ്ട് തൃപ്തിപ്പെട്ടവരുമാണ്. ജീവന്‍, ആത്മാവ്, ശരീരം എന്നിവ വേര്‍തിരിച്ചറിയാതെയും ആത്മാവിന്‍റെ ഭക്ഷണവും വസ്ത്രവുമായ അദ്ദിക്ര്‍ ഉപയോഗപ്പെടുത്താതെയും ശരീരത്തിന്‍റെ ഭക്ഷണവും വസ്ത്രവും മാത്രം ഉപയോഗപ്പെടുത്തി ജീവിക്കുന്നവരാണ് അവര്‍. അവരുടെ മിഥ്യാധാരണ അവരുടെ പ്രവര്‍ത്തനങ്ങളെയെല്ലാം പാഴാക്കിക്കളഞ്ഞിരിക്കുന്നു. 2: 186 ല്‍ വിവരിച്ച പ്രകാരം അവരുടെ പ്രാര്‍ത്ഥനക്ക് ഉത്തരം ല ഭിക്കുകയോ അവരുടെ നമസ്കാരം, സകാത്ത്, നോമ്പ്, ഹജ്ജ്, ഉംറ തുടങ്ങിയ കര്‍മ്മങ്ങളൊന്നും സ്വീകരിക്കപ്പെടുകയോ ഇല്ല. ഊഹങ്ങളെ മാത്രം പിന്‍പറ്റുന്ന അവരുടെ ധാരണ ഗ്രന്ഥം പഠിപ്പിക്കുന്നതിന് നേരെ വിരുദ്ധമാണ്, അഥവാ ആയിരത്തില്‍ തൊള്ളാ യിരത്തി തൊണ്ണൂറ്റി ഒമ്പതും സ്വര്‍ഗത്തിലേക്കും ഒന്ന് മാത്രം നരകത്തിലേക്കുമാണ് എന്നാണ്. 3: 7 ല്‍ വിവരിച്ചപ്രകാരം ഗ്രന്ഥം വായിക്കുന്ന ഫുജ്ജാറുകളായ അവര്‍ തന്നെയാണ് 3: 10 ല്‍ പറഞ്ഞ നരകത്തിന്‍റെ വിറകുകളായ യഥാര്‍ത്ഥ കാഫിറുകള്‍. 14: 3, 18; 17: 97-98 വിശദീകരണം നോക്കുക.