എല്ലാഓരോ ആത്മാവും ആ ആത്മാവിനെത്തൊട്ട് തര്‍ക്കിച്ചുകൊണ്ട് വരുന്ന ഒരുനാള്‍! അന്ന് ഓരോ ആത്മാവിനും അവര്‍ പ്രവര്‍ത്തിച്ചത് പൂര്‍ണ്ണമായി നല്‍കപ്പെടുന്നതുമാണ്, അവര്‍ അല്‍പം പോലും അനീതി കാണിക്കപ്പെടുന്നവരാവുകയുമില്ല.
ആണായിരിക്കട്ടെ പെണ്ണായിരിക്കട്ടെ ഓരോ ആത്മാവും സ്വര്‍ഗം അല്ലെങ്കില്‍ നരകം നാലാം ഘട്ടമായ ഇവിടെവെച്ച് സമ്പാദിക്കുന്നതാണെന്ന് ഈ സൂക്തവും പഠിപ്പിക്കുന്നു. ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റാണ് മൊത്തം ജീവിതത്തില്‍ കൂടുതല്‍ കേട്ടതും വായിച്ചതും പിന്‍പറ്റിയതുമെങ്കില്‍ അവരുടെ പിരടിയില്‍ ബന്ധിച്ചിട്ടുള്ള പ്രവര്‍ത്തന റിക്കാര്‍ഡ് അവരുടെ വലതുകയ്യില്‍ ലഭിക്കുന്നതും അവര്‍ വിചാരണക്കുശേ ഷം സ്വര്‍ഗത്തിലേക്ക് നയിക്കപ്പെടുന്നതുമാണ്. അറബി ഖുര്‍ആന്‍ വായിക്കുന്ന ഫുജ്ജാറുകളായ ഭ്രാന്തന്മാര്‍ക്ക് വിധിദിവസം ഇടതുകൈയില്‍ അവരു ടെ കര്‍മരേഖ നല്‍കപ്പെട്ടത് വായിക്കുമ്പോള്‍ 'ഓ എന്‍റെ നാശം! ഇത് എന്തൊരു ഗ്രന്ഥമാണ്! ചെറുതോ വലുതോ ആയ ഒന്നും തന്നെ ഇതില്‍ കൊത്തിവെ ക്കാതെ വിട്ടുപോയിട്ടില്ലല്ലോ!' എന്ന് വിലപിക്കുന്ന രംഗം 18: 49 ല്‍ മുന്നറിയിപ്പ് നല്‍കിയിട്ടുണ്ട്. സൂക്തം അവസാനിക്കുന്നത് 'നിന്‍റെ നാഥന്‍ ആരോടും ഒട്ടും അനീതി കാണക്കുന്നവനല്ല' എന്ന് പറഞ്ഞുകൊണ്ടാണ്. 3: 30; 10: 108; 50: 29 വിശദീകരണം നോക്കുക.