മനുഷ്യന് തന്‍റെ റൂഹില്‍ നിന്ന് റൂഹ് നല്‍കുകയും അതിന് സഞ്ചരിക്കാന്‍ മാതാവിന്‍റെയും പിതാവിന്‍റെയും ബീജങ്ങള്‍ കൂട്ടിയോജിപ്പിച്ച് ശരീരമാകുന്ന വാഹനം ഒരുക്കുകയും ചെയ്തവനാണ് അല്ലാഹു. അവന്‍റെ ശരീരത്തിലെ ഓരോ അവയവവും അല്ലാഹുവിന്‍റെ അനുഗ്രഹങ്ങളുമായി ബന്ധപ്പെട്ടിരി ക്കുന്നു. എന്നാല്‍ ഈ അനുഗ്രഹങ്ങളെല്ലാം നല്‍കിയ അല്ലാഹുവിനോട് നന്ദികേട് കാണിച്ചിട്ടും പരമകാരുണികനായ അവന്‍ വ്യക്തികളുടെ ഇത്തരം നന്ദികേടുകള്‍ ക്ഷമിക്കുകയും തന്‍റെ അനുഗ്രഹങ്ങളില്‍ നിന്ന് തുടര്‍ന്നും അവര്‍ക്ക് നല്‍കിക്കൊണ്ടിരിക്കുകയും ചെയ്യുന്നു. സ്രഷ്ടാവിന്‍റെ ഗുണവി ശേഷങ്ങളും അധികാരാവകാശങ്ങളും മറ്റുള്ളവര്‍ക്ക് വകവെച്ചുകൊടുക്കുകയും തനിക്കുള്ള എല്ലാ അനുഗ്രഹങ്ങളും നല്‍കിക്കൊണ്ടിരിക്കുന്ന സ്രഷ്ടാവിനോട് കാണിക്കേണ്ട നന്ദി മറ്റുള്ളവരോട് കാണിക്കുകയും ചെയ്യുന്നവരില്‍ നിന്ന് അല്ലാഹു തന്‍റെ ഔദാര്യം ഇഹത്തില്‍ നീക്കിക്കളയണമെന്നില്ല. അല്ലാഹുവിനെ സൃഷ്ടികര്‍ത്താവും അനുഗ്രഹദാതാവുമായി അംഗീകരിക്കുന്നതോടൊപ്പം തന്നെ അവനോട് നന്ദികേട് കാണിക്കുകയും അനുസരണക്കേടിലും ധിക്കാരത്തിലും ആപതിക്കുകയും ചെയ്യുന്നവരുടെ മേലിലും ഇഹലോക ജീവിതകാലം മുഴുവന്‍ അല്ലാഹു അവന്‍റെ അനുഗ്രഹത്തില്‍ നിന്ന് നല്‍കിക്കൊണ്ടിരിക്കുന്നു. അഥവാ പ്രപഞ്ചം അതിന്‍റെ സന്തുലനത്തില്‍ നിലനില്‍ക്കാന്‍ ഉപയുക്തമായ അദ്ദിക്ര്‍ അറിഞ്ഞിട്ട് മൂടിവെക്കുന്ന 41: 26-28 സൂക്തങ്ങളില്‍ പറഞ്ഞ, അല്ലാഹുവിന്‍റെ ശത്രുക്കളായ കപടവിശ്വാസികള്‍ക്കുപോലും ഇഹലോകത്ത് ജീവിതാ നുഗ്രഹങ്ങള്‍ നല്‍കിയിട്ടുള്ള നിഷ്പക്ഷവാനാണ് അവന്‍. മരണശേഷം അവര്‍ക്ക് ലഭിക്കുന്ന നരകമാകട്ടെ, അത് അവര്‍ സ്വയം സമ്പാദിക്കുന്നതാണ്. അല്ലാതെ നിഷ്പക്ഷവാനായ അല്ലാഹു അവന്‍റെ അടിമകളോട് അല്‍പം പോലും അനീതി കാണിക്കുന്നവനല്ല. 7: 96, 150; 14: 34; 43: 32-35 വിശദീകരണം നോക്കുക.