സൗരവര്‍ഷത്തിലെ 300 കൊല്ലം ചന്ദ്രവര്‍ഷത്തിലെ 309 കൊല്ലമാണ് എന്ന കാര്യം ശ്രദ്ധിക്കുക. ഗുഹാവാസികളുടെ എണ്ണത്തിലോ, വര്‍ഷത്തിന്‍റെ എണ്ണത്തിലോ അല്ല, അത് എത്രയുമാവട്ടെ, ഈ സംഭവത്തില്‍ നിന്ന് (ഏത് സംഭവചരിത്രങ്ങളില്‍ നിന്നും) കിട്ടുന്ന പാഠം ഉള്‍ക്കൊള്ളാനാണ് പ്രവാചക നോടും വിശ്വാസികളോടും അല്ലാഹു കല്‍പിക്കുന്നത്. 'നീ അതുകൊണ്ട് കാണുക, അത് കേള്‍ക്കുകയും ചെയ്യുക' എന്ന് പറഞ്ഞതിന്‍റെ വിവക്ഷ, എല്ലാ കാര്യങ്ങളും ഉള്‍ക്കാഴ്ച്ചാദായകമായ അദ്ദിക്ര്‍ ഉപയോഗപ്പെടുത്തി കാണുകയും അദ്ദിക്ര്‍ കേള്‍ക്കുകയും ചെയ്യുക എന്നാണ്. അഥവാ അദ്ദിക്റില്‍ നിന്ന് അല്ലാഹുവിനെ കണ്ടുകൊണ്ട് ചരിക്കുക, അല്ലാഹു സദാ വീക്ഷിക്കുന്നവനും കേള്‍ക്കുന്നവനുമാണ് എന്ന ബോധത്തില്‍ എപ്പോഴും എവിടെയും നില കൊള്ളുക എന്ന് സാരം. ഒരു സന്താനത്തെയും സ്വീകരിച്ചിട്ടില്ലാത്ത, തന്‍റെ ആധിപത്യത്തില്‍ യാതൊരു പങ്കുകാരുമില്ലാത്ത, പോരായ്മയില്‍ നിന്ന് രക്ഷി ക്കാന്‍ ഒരു സംരക്ഷകനേയും ആവശ്യമില്ലാത്ത അല്ലാഹുവിനാണ് സ്തുതി എന്ന് നീ പ്രഖ്യാപിക്കുകയും ചെയ്യുക; അവനെ മഹത്വപ്പെടുത്തേണ്ടവിധം മഹ ത്വപ്പെടുത്തുകയും ചെയ്യുക എന്ന് 17: 111 ല്‍ പറഞ്ഞിട്ടുണ്ട്. 7: 205-206; 17: 17, 30; 32: 4 വിശദീകരണം നോക്കുക.