പര്‍വ്വതങ്ങളെ ഉറപ്പിച്ച് നിര്‍ത്തിയതായി ഇപ്പോള്‍ നീ കാണുന്നു, എന്നാല്‍ അവയെ വിധിദിവസം മേഘങ്ങളെപ്പോലെ സഞ്ചരിപ്പിക്കുന്നതാണ്, എല്ലാഓ രോ കാര്യവും കുറ്റമറ്റതാക്കിവെച്ച അല്ലാഹുവിന്‍റെ ഉല്‍പ്പാദനമാണ് അത്, നിശ്ചയം അവന്‍ നിങ്ങള്‍ പ്രവര്‍ത്തിച്ചുകൊണ്ടിരിക്കുന്നതെല്ലാം വലയം ചെയ്ത വന്‍ തന്നെയാകുന്നു എന്ന് 27: 88 ലും; ഭൂമി നീട്ടിപ്പരത്തപ്പെടുകയും അതിലുള്ളതെല്ലാം പുറത്തേക്കെറിയപ്പെട്ട് അത് കാലിയായിത്തീരുകയും ചെയ്യുമ്പോള്‍ എന്ന് 84: 3-4 സൂക്തങ്ങളിലും പറഞ്ഞിട്ടുണ്ട്. അന്ത്യനിമിഷം നടപ്പില്‍ വരുമ്പോള്‍ ഭൂമി ഇടിച്ചുപൊടിച്ച് ഉയര്‍ച്ചതാഴ്ചകളില്ലാതെ ഒറ്റ മാര്‍ബി ളെന്നോണം നീട്ടിപ്പരത്തപ്പെടുന്നതാണ്. ത്രികാലജ്ഞാനിയായ നാഥന്‍ പ്രപഞ്ചത്തില്‍ സംഭവിക്കാനുള്ളതെല്ലാം ആദ്യമേ 85: 21-22 സൂക്തങ്ങളില്‍ പറ ഞ്ഞ പുകള്‍പെറ്റ വായനയായ അദ്ദിക്റില്‍ രേഖപ്പെടുത്തി വെച്ചിട്ടുണ്ട്. ത്രികാലജ്ഞാനമായ പ്രസ്തുതഗ്രന്ഥം പ്രപഞ്ചം അതിന്‍റെ സന്തുലനത്തില്‍ നിലനി ര്‍ത്താനുള്ള ത്രാസും അമാനത്തുമായി ഉപയോഗപ്പെടുത്താതെ എല്ലാവരും അക്രമികളും തെമ്മാടികളുമായി മാറുമ്പോഴാണ് വിചാരണാദിനം നടപ്പില്‍ വരിക. 14: 48; 18: 8 വിശദീകരണം നോക്കുക.