നിശ്ചയം അല്ലാഹു ആകാശത്തുനിന്ന് വെള്ളമിറക്കുന്നത് നീ കണ്ടില്ലേ, കൈവഴികളും തോടുകളുമെല്ലാം ആ വെള്ളത്തെ ഭൂമിയില്‍ ഒഴുക്കുന്നു, പിന്നെ അതില്‍ നിന്ന് വിവിധ നിറത്തിലുള്ള കൃഷികള്‍ ഉല്‍പാദിപ്പിക്കുന്നു, പിന്നെ അത് ഉണങ്ങുന്നു, അപ്പോള്‍ നിനക്ക് അത് മഞ്ഞളിച്ചതായി കാണാം, ശേഷം അവന്‍ അതിനെ വൈക്കോല്‍ തുരുമ്പായി മാറ്റുന്നു, നിശ്ചയം അതില്‍ ബുദ്ധിമാന്‍മാര്‍ക്ക് അനുസ്മരണമുണ്ട് എന്ന് 39: 21 ലും; നിങ്ങള്‍ അറിയുക: ഐഹികജീവിതം കളിയും തമാശയും അലങ്കാരവും നിങ്ങള്‍ പരസ്പരം പൊങ്ങച്ചം നടിക്കലും സമ്പത്തുക്കളിലും സന്താനങ്ങളിലും പെരുമകാണിക്കലും മാത്രമാകുന്നു -ഒരു മഴപോലെ, അതുമൂലമുണ്ടാകുന്ന ചെടികള്‍ കര്‍ഷകരെ അത്ഭുതപ്പെടുത്തുന്നു, പിന്നീട് അത് ഉണങ്ങുന്നു, അപ്പോള്‍ അത് മഞ്ഞളിച്ചതായി നിനക്ക് കാണാം, പിന്നെ അത് തുരുമ്പായിപ്പോകുന്നു, ജീവിതലക്ഷ്യം മറന്ന് ജീവിച്ച കാഫിറുകള്‍ക്ക് പരലോകത്ത് കഠിനമായ ശിക്ഷയുണ്ട്, ഐഹികജീവിതം പരലോകത്തേക്കുള്ള കൃഷിയിടമായി പരിഗണിച്ച വി ശ്വാസികള്‍ക്ക് അല്ലാഹുവില്‍ നിന്നുള്ള പാപമോചനവും അവന്‍റെ തൃപ്തിയുമുണ്ട്; ഐഹികജീവിതമാകട്ടെ, വഞ്ചനാപരമായ ഒരു വിഭവമല്ലാതെ അല്ല എന്ന് 57: 20 ലും പറഞ്ഞിട്ടുണ്ട്.

'നിലനില്‍ക്കുന്ന സല്‍കര്‍മ്മങ്ങള്‍' പ്രകാശമായ അദ്ദിക്റിന്‍റെ വെളിച്ചത്തിലുള്ള കര്‍മ്മങ്ങളാണ്. അഥവാ നിലവിലുള്ളവരും പിന്‍ഗാമികളും ഉള്‍പ്പടെ ആയിരം സമുദായങ്ങളില്‍ പെട്ട ജീവജാലങ്ങള്‍ക്ക് ശാന്തിയും സമാധാനവും പ്രയാസരഹിതമായ ജീവിതവും നല്‍കുന്ന പ്രവര്‍ത്തനങ്ങളാണ് അവ. 36: 12 ല്‍ പറഞ്ഞ പ്രകാരം ഒരോരുത്തര്‍ക്കും അവരുടെ ജീവിതകാലത്ത് പ്രവര്‍ത്തിച്ചത് മാത്രമല്ല, അവരുടെ പിന്‍ഗാമികള്‍ക്ക് വിട്ടുപോകുന്ന പൈതൃകങ്ങ ളുടെ നേട്ടകോട്ടങ്ങളുടെ വിഹിതവും ലഭിക്കുന്നതാണ്. ആരാണോ അദ്ദിക്റിന്‍റെ വെളിച്ചത്തിലുള്ള ജീവിതം നയിക്കുകയും അദ്ദിക്ര്‍ ജനങ്ങള്‍ക്ക് എ ത്തിച്ച് കൊടുത്തുകൊണ്ട് അതിന്‍റെ വിധിവിലക്കുകള്‍ക്ക് അനുസരിച്ച് ജീവിക്കാന്‍ മറ്റുള്ളവരെയും പിന്‍ഗാമികളെയും പ്രാപ്തരാക്കുകയും ചെയ്യുന്നത്, അപ്പോള്‍ അവരുടെ പ്രവര്‍ത്തനങ്ങളുടെ ഒരുവിഹിതം ഇവന് ലഭിക്കുന്നതാണ്. അദ്ദിക്ര്‍ മൂടിവെക്കുകയും ആയിരത്തില്‍ തൊള്ളായിരത്തിതൊണ്ണൂറ്റി ഒമ്പതിന്‍റെ ജീവിതം നയിക്കുകയും പ്രസ്തുത ജീവിതചര്യ മറ്റുള്ളവര്‍ക്ക് വിട്ടുപോവുകയും ചെയ്യുന്ന കാഫിറുകള്‍ക്ക് അവരുടെ വഴികേടിനോടൊപ്പം അ വര്‍ വഴിപിഴപ്പിച്ചവരുടെ പാപഭാരത്തില്‍ നിന്നുള്ള ഒരു വിഹിതവും കൂടി ലഭിക്കുന്നതാണ്. 4: 85; 11: 59; 16: 24-27 വിശദീകരണം നോക്കുക.