അദ്ദിക്ര്‍ വന്നുകിട്ടിയിട്ട് ഉപയോഗപ്പെടുത്താത്ത അക്രമികളുടെ മരണസമയത്തെക്കുറിച്ച്: നിശ്ചയം ആദ്യവട്ടം സൃഷ്ടിച്ചതുപോലെ ഒറ്റക്കൊറ്റക്കായി ട്ടാണല്ലോ നാം നിങ്ങളെ കൊണ്ടുവന്നിരിക്കുന്നത്; ഭൂമിയില്‍ നാം നിങ്ങളെ ഏല്‍പ്പിച്ചിരുന്നതൊക്കെയും നിങ്ങളുടെ പുറകില്‍ വിട്ടേച്ചിരിക്കുന്നുവല്ലോ, നിശ്ചയം നിങ്ങള്‍ക്ക് ശുപാര്‍ശ ചെയ്യുമെന്ന് നിങ്ങള്‍ ഉറപ്പിച്ച് ധരിച്ചുവെച്ചിരുന്ന നിങ്ങളുടെ പങ്കാളികളെയൊന്നും ഇപ്പോള്‍ നാം നിങ്ങളുടെകൂടെ കാണു ന്നില്ലല്ലോ, നിങ്ങള്‍ക്കിടയിലുള്ള ബന്ധങ്ങളെല്ലാം നിങ്ങള്‍ മുറിച്ചുകളഞ്ഞിരിക്കുന്നുവല്ലോ, നിങ്ങള്‍ ഉറപ്പിച്ചുവെച്ചിരുന്ന ധാരണകളെല്ലാം തന്നെ നിങ്ങ ളെത്തൊട്ട് വഴിമാറിപ്പോവുകയും ചെയ്തിരിക്കുന്നുവല്ലോ എന്ന് പറയപ്പെടുന്നതാണ് എന്ന് 6: 94 ല്‍ മുന്നറിയിപ്പ് നല്‍കിയിട്ടുണ്ട്. റൂഹും -ജിബ്രീലും- മല ക്കുകളും അണിയണിയായി നില്‍ക്കു ന്ന ദിനം, അന്ന് ആര്‍ക്കാണോ അല്ലാഹു സമ്മതം കൊടുത്തത് അവരും ആരാണോ സത്യം പറഞ്ഞത് അവരുമല്ലാതെ സംസാരിക്കുകയില്ല തന്നെ എന്ന് 78: 38 ലും; അല്ല, ഭൂമി ഇടിച്ചുപൊടിച്ച് പൊടിപടലമാക്കി നിരപ്പാക്കുകയും നിന്‍റെ നാഥനും അണി യണിയായി മലക്കുകളും വരികയും ചെയ്യുന്ന ദിനം! ദിക്റാ ഉപയോഗപ്പെടുത്തിയിരുന്നുവെങ്കില്‍ എത്ര നന്നായിരുന്നേനേ എന്ന് നരകക്കുണ്ഠം കൊണ്ടു വരപ്പെടുന്ന ദിനം മനുഷ്യന് ബോധ്യം വരുമെന്ന് 89: 21-23 സൂക്തങ്ങളിലും പറഞ്ഞിട്ടുണ്ട്. 

ഭൂമിയുടെ ഘടനയെല്ലാം മാറ്റപ്പെടുകയും മൂന്നാം പ്രാവശ്യം സ്വൂര്‍ എന്ന കാഹളത്തില്‍ ഊതപ്പെടുകയും ചെയ്യുന്നതോടുകൂടി മനുഷ്യരെല്ലാം നാടുകളു ടെ കേന്ദ്രമായ മക്കയില്‍ വിചാരണക്ക് വേണ്ടി ഒരുമിച്ച് കൂട്ടപ്പെടുന്നതാണെന്ന് 36: 53-54 സൂക്തങ്ങളില്‍ പറഞ്ഞിട്ടുണ്ട്. 10: 17-18 സൂക്തങ്ങളില്‍ വിവരിച്ച പ്രകാരം കാഫിറുകളും അക്രമികളും ഭ്രാന്തന്മാരുമായ ഫുജ്ജാറുകള്‍ ആശയമില്ലാതെ ഗ്രന്ഥം വായിച്ചിട്ടുള്ളതിനാല്‍ അവര്‍ വായിച്ച, കേട്ട ഗ്രന്ഥം അവ ര്‍ക്കെതിരെ സാക്ഷ്യം വഹിച്ചുകൊണ്ടും വാദിച്ചുകൊണ്ടും അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. നിഷ്പക്ഷവാനായ നാഥന്‍ ഒരാളെയും സ്വര്‍ഗത്തിലേക്കോ നരകത്തിലേക്കോ ആക്കുന്നില്ല. 2: 62 ല്‍ വിവരിച്ച പ്രകാരം പ്രവാചകന്‍റെ സമുദായത്തില്‍ പെട്ട ഗ്രന്ഥം ലഭിക്കാത്ത ഇതരജനവിഭാഗങ്ങള്‍ വിചാരണക്ക് ശേഷം 'കൗസര്‍' തടാകത്തില്‍ നിന്ന് കുടിപ്പിക്കപ്പെട്ട് സ്വര്‍ഗവും നരകവുമല്ലാത്ത ലോകങ്ങളിലേക്കാണ് അയക്കപ്പെടുക. 9: 51; 10: 53-56, 108 വിശദീകരണം നോക്കുക.