ഇവിടെ സകരിയ്യാനബി നേരിട്ട് അല്ലാഹുവിനോടാണ് ചോദിക്കുന്നത്. എന്നാല്‍ മറുപടി നല്‍കുന്നത് മലക്ക് മുഖേനയാണ്. ഒരു മനുഷ്യനോടും അല്ലാഹു സംസാരിക്കുന്നവനാകുകയില്ല, ദിവ്യസന്ദേശമായിട്ടോ അല്ലെങ്കില്‍ ഒരു മറയുടെ പിന്നിലായിട്ടോ അല്ലെങ്കില്‍ ഒരു മലക്കിനെ ദൂതനായി അയച്ചിട്ടോ അ ല്ലാതെ, അങ്ങനെ അവന്‍റെ സമ്മതത്തോടെ അവന്‍ ഉദ്ദേശിക്കുന്നത് ദിവ്യസന്ദേശമായി നല്‍കുന്നു, നിശ്ചയം അവന്‍ അത്യുന്നതനായ യുക്തിജ്ഞനുമാ കുന്നു എന്ന് 42: 51 ല്‍ പറഞ്ഞിട്ടുണ്ട്. 22: 75 ല്‍, നിശ്ചയം അല്ലാഹു മനുഷ്യരില്‍ നിന്നും മലക്കുകളില്‍ നിന്നും ദൂതന്മാരെ തെരഞ്ഞെടുക്കുമെന്ന് പറഞ്ഞി ട്ടുണ്ട്. 3: 59; 17: 70 വിശദീകരണം നോക്കുക.