അറബി ഖുര്‍ആന്‍ വായിക്കുന്ന ഫുജ്ജാറുകള്‍ അവരുടെ നാവുകൊണ്ട് ഇങ്ങനെ ചോദിക്കാറില്ല. എന്നാല്‍ അദ്ദിക്റിനെ വിസ്മരിച്ചുകൊണ്ടുള്ള ഹീനവും കൊള്ളരുതാത്തതുമായ അവരുടെ ജീവിതരീതി പരലോകം കൊണ്ട് വിശ്വസിക്കാത്ത വിധത്തിലാണ്. കാഫിറുകള്‍ അന്ത്യദിനത്തെ ദൂരെയായി കാ ണുന്നു എന്ന് 70: 6-7 സൂക്തങ്ങളില്‍ പറഞ്ഞിട്ടുണ്ട്. സ്വര്‍ഗ്ഗത്തിലേക്കുള്ള ആയിരത്തില്‍ ഒന്നായ പ്രവാചകന്മാരുടെയും വിശ്വാസികളുടെയും ജീവിതം വിധിദിവസത്തെ കണ്ടുകൊണ്ടായിരിക്കും. അവര്‍ ആയിരത്തില്‍ തൊള്ളായിരത്തി തൊണ്ണൂറ്റിഒമ്പതിന്‍റെ ജീവിതരീതി വെടിഞ്ഞവരുമായിരിക്കും. 10: 47-48; 12: 37-38; 20: 134-135 വിശദീകരണം നോക്കുക.