അല്ലാഹു പ്രവാചകനെ ഇഹത്തിലും പരത്തിലും സഹായിക്കുകയില്ല എന്ന് കരു തുന്നവര്‍ അവരുടെ എല്ലാ തന്ത്രങ്ങളും പ്രയോഗിച്ച് പ്രവാചകനെ നശി പ്പിക്കാന്‍ ശ്രമിക്കട്ടെ, അതിന്‍റെ ഭാഗമായി കയര്‍കെട്ടി ആകാശത്തേക്ക് കയറിച്ചെന്ന് പ്രവാചകന് ആകാശത്തുനിന്ന് ലഭിക്കുന്ന ദിവ്യസന്ദേശമായ അദ്ദി ക്റാകുന്ന പാശത്തെ വെട്ടിമുറിക്കുകയും അങ്ങനെ അവന്‍റെ രോഷം ശമിപ്പിക്കുവാന്‍ ശ്രമിക്കുകയും ചെയ്യട്ടെ. അല്ലാഹുവിനോടും പ്രവാചകനോടും യഥാര്‍ത്ഥ വിശ്വാസികളോടും ശത്രുത പുലര്‍ത്തുന്ന കപടവിശ്വാസികളോടും, പ്രവാചകന് എന്തുകൊണ്ട് അല്ലാഹുവിന്‍റെ സഹായം അപ്പപ്പോള്‍ കിട്ടു ന്നില്ല എന്ന് കരുതുന്ന വഴിപിഴച്ചുപോയ അവരുടെ അനുയായികളോടുമാണ് പ്രസ്തുത വെല്ലുവിളി. സ്വര്‍ഗത്തില്‍ നിന്ന് ഭൂമിയിലേക്ക് നീട്ടിയിട്ടിട്ടുള്ള പൊട്ടിപ്പോകാത്ത പാശമായ അദ്ദിക്ര്‍ ഒരു ഗ്രന്ഥമായി രൂപപ്പെട്ടിരിക്കെ ആരാണോ അതിനെ മുറുകെപ്പിടിച്ചത്, അത് അവനെ 5: 48 ല്‍ വിവരിച്ചപ്രകാരം എല്ലാവിധ ആപത്തുവിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്നതാണ്. 3: 119; 4: 63; 6: 35 വിശദീക രണം നോക്കുക.