അല്ലാഹുവിന്‍റെ സന്ദേശമായ അദ്ദിക്ര്‍ ഉപയോഗപ്പെടുത്തി സ്വര്‍ഗം പണിയാനും പ്രപഞ്ചത്തെ അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായ അത് ലോകരിലേക്ക് എത്തിച്ചുകൊടുക്കാനും നിങ്ങള്‍ക്ക് സമയമുണ്ടായിരുന്നില്ല അല്ലേ? നിങ്ങള്‍ യഥാര്‍ത്ഥ അറിവായ അദ്ദിക്ര്‍ ഉപ യോഗപ്പെടുത്തി ജീവിതലക്ഷ്യം തിരിച്ചറിഞ്ഞിരുന്നുവെങ്കില്‍ ഇപ്പോള്‍ ഇങ്ങനെ ആവലാതിപ്പെടേണ്ടിയിരുന്നില്ല എന്നാണ് അല്ലാഹു പറയുന്നത്. ഉറപ്പു നല്‍കുന്ന അറിവായ അദ്ദിക്ര്‍ ഉപയോഗപ്പെടുത്താത്തവര്‍ കണ്ണിന് ഉറപ്പാകുന്നതുവരെ ജ്വലിക്കുന്ന നരകം കാണുകതന്നെ ചെയ്യുമെന്ന് 102: 5-7 സൂക്ത ങ്ങളില്‍ മുന്നറിയിപ്പ് നല്‍കിയിട്ടുണ്ട്. 16: 111; 28: 57; 79: 46 വിശദീകരണം നോക്കുക.