വിശ്വാസി 17: 13-14 സൂക്തങ്ങളില്‍ വിവരിച്ച പ്രകാരം ഓരോരുത്തരുടെയും പിരടിയില്‍ ബന്ധിച്ചിട്ടുള്ള കര്‍മരേഖയില്‍ 15 വയസ്സിനുശേഷമുള്ള പ്രവര്‍ ത്തനങ്ങളെല്ലാം കൊത്തിവെച്ചു കൊണ്ടിരിക്കുന്നുണ്ടെന്നും, വിധിദിവസം അത്  ഒരു തുറന്ന പ്രകാശിക്കുന്ന പുസ്തകമായി പുറത്തെടുത്ത് നല്‍കി ഓരോ രുത്തരെക്കൊണ്ടും വായിപ്പിച്ചാണ് വിചാരണ നടത്തപ്പെടുക എന്ന ബോധത്തില്‍ ഇവിടെ നില കൊള്ളുന്നവനാണ്. എന്നാല്‍ അറബി ഖുര്‍ആന്‍ വായി ക്കുന്ന ഫുജ്ജാറുകള്‍ അദ്ദിക്റിനെ മൂടിവെക്കുന്നവരും തള്ളിപ്പറയുന്നവരുമായതിനാല്‍ പ്രസ്തുത കര്‍മരേഖയെക്കുറിച്ച് ബോധമില്ലാത്തവരായി ഇവിടെ ജീവിക്കുന്നവരും, 18: 49 ല്‍ വിവരിച്ച പ്രകാരം വിചാരണാനാളില്‍ അവരുടെ കര്‍മരേഖ വായിക്കുമ്പോള്‍ അതിലുള്ളതില്‍ കുണ്ഠിതപ്പെടുന്നതുമാണ്. 

25: 72 ല്‍, നാഥനെ നിഷ്പക്ഷവാനായി അംഗീകരിക്കുന്ന വിശ്വാസി കള്ളസാക്ഷ്യം വഹിക്കുകയില്ല എന്നും വ്യര്‍ത്ഥമായ കാര്യങ്ങളിലൂടെ നടന്നുപോകാ ന്‍ ഇടവന്നാല്‍ അതിലേക്ക് ശ്രദ്ധിക്കാതെ മാന്യമായി നടന്നുപോകുന്നവരാണെന്നും പറഞ്ഞിട്ടുണ്ട്. അദ്ദിക്ര്‍ പിന്‍പറ്റി ജീവിക്കുന്ന സൂക്ഷ്മാലുക്കള്‍ സ്വര്‍ ഗത്തില്‍ വ്യര്‍ത്ഥമായ കാര്യങ്ങളോ പൊളിവചനങ്ങളോ കേള്‍ക്കുകയില്ല എന്ന് 78: 35 ലും പറഞ്ഞിട്ടുണ്ട്.