'നിങ്ങളില്‍ ചിലര്‍ചിലരെ വിളിക്കുന്നതുപോലെ നിങ്ങള്‍ക്കിടയില്‍ പ്രവാചകന്‍റെ വിളിയെ നിങ്ങള്‍ ആക്കിത്തീര്‍ക്കരുത്' എന്ന് പറഞ്ഞതിന് പ്രവാചക ന്‍ വിളിക്കുന്നത് നിങ്ങളില്‍ ചിലര്‍ചിലരെ വിളിക്കുന്നത് പോലെയായി പരിഗണിക്കരുത് എന്നും, നിങ്ങള്‍ പരസ്പരം വിളിക്കുന്നത് പോലെ പ്രവാചകനെ വിളിക്കരുത്, പ്രവാചകനെ ആദരവും ബഹുമാനവും നല്‍കിക്കൊണ്ട് മാത്രമേ വിളിക്കാവൂ എന്നും ആശയമുണ്ട്. പ്രവാചകന്‍റെ പ്രാര്‍ത്ഥന നിങ്ങള്‍ പരസ്പ രം നടത്തുന്ന പ്രാര്‍ത്ഥനയെപ്പോലെ പരിഗണിക്കരുത്, അഥവാ നിങ്ങളുടെ പ്രാര്‍ത്ഥനയെക്കാള്‍ പ്രാധാന്യം കൊടുത്തുകൊണ്ട് പ്രവാചകന്‍റെ പ്രാര്‍ത്ഥന ലഭിക്കാന്‍ എപ്പോഴും ആഗ്രഹിച്ചുകൊണ്ടിരിക്കണമെന്നും ആശയമുണ്ട്. 49: 2 ല്‍, ഓ വിശ്വാസികളായിട്ടുള്ളവരേ! നിങ്ങളുടെ ശബ്ദങ്ങള്‍ പ്രവാചകന്‍റെ ശ ബ്ദത്തിന്‍റെ മീതെ ഉയര്‍ത്തരുത്, നിങ്ങള്‍ പ്രവാചകനോട് സംസാരിക്കുമ്പോള്‍ നിങ്ങള്‍ പരസ്പരം സംസാരിക്കുന്നതുപോലെ ഉച്ചത്തില്‍ സംസാരിക്കുകയു മരുത്, അങ്ങനെയായാല്‍ നിങ്ങളുടെ പ്രവര്‍ത്തനങ്ങള്‍ നിങ്ങള്‍ തിരിച്ചറിയാത്തവിധം നിഷ്ഫലമായിപ്പോകുന്നതാണ്. 

ഏതെങ്കിലും അത്യാവശ്യകാര്യങ്ങള്‍ക്ക് പ്രവാചകനോട് സമ്മതം ചോദിച്ച് പോകേണ്ടതുണ്ടെങ്കില്‍ ഓരോരുത്തരും പ്രത്യേകം പ്രത്യേകം പ്രവാചകനോട് സമ്മതം ചോദിക്കണമെന്നും, മറിച്ച് ഒരാള്‍ മാത്രം സമ്മതം ചോദിച്ച് അവന്‍റെ പിന്നില്‍ ഒളിഞ്ഞുപോകുന്ന രീതി അല്ലാഹുവിനെക്കൊണ്ട് വിശ്വസിക്കു ന്നവര്‍ക്ക് ഭൂഷണമല്ല എന്നുമാണ് 'മറ്റുള്ളവരെ മറയാക്കിപ്പിടിച്ച് സൂത്രത്തില്‍ ഊരിച്ചാടുന്നവരെ നിശ്ചയം അല്ലാഹു അറിയുന്നുണ്ട്' എന്ന് പറഞ്ഞതിന്‍റെ വിവക്ഷ. ഇന്ന് അദ്ദിക്ര്‍ വിശദീകരിച്ചു കൊടുക്കുന്ന വിശ്വാസിയോടും സദസ്സിനോടും ആരാണോ വിഘടിക്കുകയും വിരോധം വെക്കുകയും പ്രസ്തുത സദസ്സ് നിര്‍മാര്‍ജനം ചെയ്യുന്നതിന് വേണ്ടി പ്രവര്‍ത്തിക്കുകയും ചെയ്യുന്നത്, അവര്‍ക്ക് ഇഹത്തില്‍ വെച്ചുതന്നെ നാശവും നിന്ദ്യതയും ലഭിക്കുന്നതും അ വര്‍ കാഫിറായിക്കൊണ്ട് ജീവന്‍ വെടിയുന്നതും മരണത്തോടുകൂടി വിചാരണയില്ലാതെ നരകക്കുണ്ഠാരത്തില്‍ പോകുന്നതുമാണ്. 9: 125-127; 22: 72; 41: 26-29 വിശദീകരണം നോക്കുക.