രണ്ട് സംഘവും ചെങ്കടല്‍ തീരത്തുവെച്ച് പരസ്പരം കണ്ടുമുട്ടുകയും മൂസായുടെ അനുയായികള്‍ നമ്മള്‍ പിടികൂടപ്പെടാന്‍ പോകുന്നുവല്ലോ എന്നുപറഞ്ഞ് വിഭ്രാന്തി പ്രകടിപ്പിക്കുകയും ചെയ്തപ്പോള്‍ 'എന്‍റെ നാഥന്‍ എന്നെ മാര്‍ഗദര്‍ശനം ചെയ്യുക തന്നെ ചെയ്യും' എന്ന് മൂസാ പറഞ്ഞതില്‍ നിന്നും മൂസായുടെ വടി കൊണ്ട് കടലില്‍ അടിച്ചാല്‍ കടല്‍ പിളര്‍ന്ന് വെള്ളം ഇരുവശങ്ങളിലേക്കും മലകളെന്നോണം മാറിനില്‍ക്കുമെന്നൊന്നും മൂസാക്ക് മുമ്പെ അറിയുമായിരുന്നില്ല എന്നാണ് മനസ്സിലാക്കേണ്ടത്.

ഗ്രന്ഥത്തിലെ 6236 സൂക്തങ്ങളുടെ ആശയത്തില്‍ വിശ്വാസം രൂപപ്പെടുത്താത്തവര്‍ പ്രവാചകന്മാരെയും വിശ്വാസികളെയും കാര്യകാരണബന്ധത്തിന് അതീതമായി അല്ലാഹു രക്ഷപ്പെടുത്തുമെന്ന വിശ്വാസമില്ലാത്തവരാണ്. ഈ സൂക്തത്തില്‍ 'കടല്‍ പിളര്‍ന്ന് വെള്ളം വമ്പിച്ച മലകളെന്നോണം ഇരുവശ ങ്ങളിലേക്കും മാറിനിന്നു' എന്നുപറഞ്ഞതോ, 20: 77 ല്‍ 'സമുദ്രത്തില്‍ ഒരു ഉണങ്ങിയവഴി രൂപപ്പെട്ടു' എന്നുപറഞ്ഞതോ കാണാത്ത മട്ടില്‍ മൂസായും അ നുയായികളും മുറിച്ചുകടന്നത് നൈല്‍ നദിയാണെന്നും മൂസാ തന്‍റെ വടികൊണ്ട് നദിയില്‍ തപ്പിനോക്കി തുരുത്തുകള്‍ കണ്ടെത്തി അതിലേക്ക് കാലെടു ത്തുവെച്ച് ഘട്ടംഘട്ടമായിട്ടാണ് കടന്നുപോയത് എന്നും തന്നിഷ്ടപ്രകാരം രേഖപ്പെടുത്തിവെച്ചവര്‍ പോലും അവരിലുണ്ട്. അത്തരം വ്യാഖ്യാനങ്ങള്‍ 41: 41-42 സൂക്തങ്ങളില്‍ പറഞ്ഞ അജയ്യവും മിഥ്യകലരാത്ത ഗ്രന്ഥവുമായ അദ്ദിക്റില്‍ നിന്ന് ജനങ്ങളെ തടയുകയാണ് ചെയ്യുന്നത്. എല്ലാഓരോ കാര്യവും വിശ ദീകരിച്ചിട്ടുള്ള അദ്ദിക്ര്‍ ഇന്ന് ഒരുഗ്രന്ഥമായി രൂപപ്പെട്ടിരിക്കെ അതിനെ സത്യപ്പെടുത്തി ജീവിക്കുന്ന വിശ്വാസിയെ അത് എല്ലാവിധ ആപത്ത് വിപ ത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്നതാണ്. 2: 78-79; 4: 158; 25: 33-34 വിശദീകരണം നോക്കുക.