അവര്‍ പറഞ്ഞു: അവനെയും അവന്‍റെ കുടുംബത്തെയും നാം രാത്രിയില്‍ നശിപ്പിക്കുകതന്നെ ചെയ്യുമെന്ന് നിങ്ങള്‍ അല്ലാഹുവിനെക്കൊണ്ട് ആണയിടുക, പിന്നെ അവന്‍റെ സംരക്ഷകനോട് നാം പറയുകതന്നെ ചെയ്യും: അവന്‍റെ കു ടുംബത്തിന്‍റെ നാശത്തിന് ഞങ്ങള്‍ സാക്ഷികളല്ല, നിശ്ചയം ഞങ്ങള്‍ സത്യസന്ധന്മാര്‍ തന്നെയുമാകുന്നു എന്ന്.
'അവനെയും അവന്‍റെ കുടുംബത്തെയും നാം രാത്രിയില്‍ നശിപ്പിക്കും' എന്ന് പറഞ്ഞതിലെ കുടുംബത്തില്‍ സ്വാലിഹ് നബിയുടെ കുടുംബാംഗങ്ങളും വിശ്വാസികളും ഉള്‍പെടുന്നതാണ്. പ്രപഞ്ചനാഥനെ അദ്ദിക്ര്‍ സമര്‍പ്പിക്കുന്നവിധം ഉറക്കമോ മയക്കമോ മരണമോ ഇല്ലാത്തവനും ആദ്യമോ അന്ത്യമോ ഇല്ലാത്തവനും എല്ലാ കാര്യങ്ങളുടെയും ഉള്ളിന്‍റെ ഉള്ളറിയുന്ന സൂക്ഷ്മജ്ഞാനിയും എല്ലാം വലയം ചെയ്യുന്ന ത്രികാലജ്ഞാനിയുമായി അംഗീകരിക്കാത്ത നാശകാരികളായ കപടവിശ്വാസികള്‍ എക്കാലത്തും ഇതേ സ്വഭാവക്കാരായിരിക്കും. അവര്‍ ഏതുകാര്യം പറയുകയാണെങ്കിലും കളവിനുവേണ്ടി 'വല്ലാഹി -അല്ലാഹു തന്നെയാണ് സത്യം' എന്ന് അല്ലാഹുവിനെക്കൊണ്ട് ആണയിടുന്നവരുമാണ്. സത്യത്തിന്‍റെ ശത്രുക്കളായ അവര്‍ അവരുടെ പ്രതിജ്ഞ കള്‍ ഒരു പരിചയായി തെരഞ്ഞെടുത്തവരാണെന്ന് 63: 2 ല്‍ പറഞ്ഞിട്ടുണ്ട്. 8: 30; 17: 36; 41: 25-26 വിശദീകരണം നോക്കുക.