وَلَقَدْ مَكَّنَّاهُمْ فِيمَا إِنْ مَكَّنَّاكُمْ فِيهِ وَجَعَلْنَا لَهُمْ سَمْعًا وَأَبْصَارًا وَأَفْئِدَةً فَمَا أَغْنَىٰ عَنْهُمْ سَمْعُهُمْ وَلَا أَبْصَارُهُمْ وَلَا أَفْئِدَتُهُمْ مِنْ شَيْءٍ إِذْ كَانُوا يَجْحَدُونَ بِآيَاتِ اللَّهِ وَحَاقَ بِهِمْ مَا كَانُوا بِهِ يَسْتَهْزِئُونَ
നിശ്ചയം നാം അവര്‍ക്ക് നിങ്ങള്‍ക്ക് നാം നല്‍കിയിട്ടില്ലാത്ത സ്ഥാനമാനങ്ങള്‍ നല്‍കിയിട്ടുണ്ടായിരുന്നു, അവര്‍ക്ക് നാം കേള്‍വിയും കാഴ്ചയും ബുദ്ധിശക്തി യും നല്‍കുകയുണ്ടായി, എന്നാല്‍ അവരുടെ കേള്‍വിയും അവരുടെ കാഴ്ച യും അവരുടെ ബുദ്ധിശക്തിയും അവരെത്തൊട്ട് യാതൊരു പ്രയോജനവും ചെയ്തില്ല-അവര്‍ അല്ലാഹുവിന്‍റെ സൂക്തങ്ങളോട് വിരോധം വെച്ച് തര്‍ക്കിച്ച് കൊണ്ടിരുന്നവരായപ്പോള്‍! ഏതൊന്നിന്‍റെ സംഭവ്യതയെക്കുറിച്ചായിരുന്നുവോ അ വര്‍ പരിഹസിച്ചുകൊണ്ടിരുന്നത്, അത് അവരില്‍ വന്നുഭവിക്കുകയും ചെയ്തു.
അല്ലാഹുവിന്‍റെ സൂക്തങ്ങളോട് വിരോധം വെച്ച് തര്‍ക്കിച്ചുകൊണ്ടിരുന്നതിനാലാ ണ് ആദ് ജനത നശിപ്പിക്കപ്പെട്ടത്. ത്രികാലജ്ഞാനമായ അദ്ദിക്ര്‍ ഉപയോഗപ്പെടുത്താ തെ ഇന്ന് ആധുനിക വിദ്യാസമ്പന്നരെന്ന് ഊറ്റം നടിക്കുന്നവര്‍ക്ക് അവരുടെ പ്രവര്‍ത്ത നങ്ങളുടെ ഫലമായി സംഭവിക്കുന്ന ശിക്ഷ തടയാനോ അതില്‍ നിന്ന് രക്ഷപ്പെടാനോ സാദ്ധ്യമാവുകയില്ല എന്ന പാഠമാണ് ഇത്തരം സൂക്തങ്ങളെല്ലാം വായിക്കുന്നവര്‍ക്ക് ല ഭിക്കേണ്ടത്. എന്നാല്‍ ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ തന്നെയാണ് മുന്നറിയിപ്പുകളെ അവഗണിച്ചുകൊണ്ട് അദ്ദിക്റിനോട് വിരോധം വെച്ച് തര്‍ ക്കിച്ചുകൊണ്ടിരിക്കുന്ന അക്രമികളും കാഫിറുകളും. ഈസാ രണ്ടാമത് വന്നാല്‍ എന്‍റെ പിന്നില്‍ ഒരു കാഫിര്‍ ഉണ്ട്, അവനെ പിടിച്ച് കൊല്ലുക എന്ന് കല്ലും മരവും വിളിച്ചുപ റയുന്നതോടെ ഇതര ജനവിഭാഗങ്ങളാല്‍ വധിക്കപ്പെടുന്നതും 98: 6 ല്‍ പറഞ്ഞ നരകത്തിന്‍റെ വിറകുകളായ കരയിലെ ഈ ദുഷ്ടജീവികള്‍ തന്നെയാണ്. ഇന്ന് അവര്‍ അ ങ്ങനെയുള്ള ഒരു പരിണിതിയെ പരിഹസിച്ചുകൊണ്ടിരിക്കുന്നവരാണ്. 8: 22, 55; 34: 19; 41: 19-24, 28 വിശദീകരണം നോക്കുക.