ഉടമ്പടി സൂക്ഷിക്കുന്നവന്‍ എന്നുപറഞ്ഞത് 2: 27 ല്‍ വിവരിച്ച പൊറുക്കലിനെത്തേടാനുള്ള ഏറ്റവും ശ്രേഷ്ഠമായ പ്രാര്‍ത്ഥന-സയ്യിദുല്‍ ഇസ്തിഗ്ഫാര്‍-എല്ലാ ദിവസവും രാവിലെയും വൈകുന്നേരവും പ്രാര്‍ത്ഥിക്കുന്നവനാണ്. അല്ലാഹുവേ, നീയാണ് എന്‍റെ ഉടമയായ നാഥന്‍, നീയല്ലാതെ ഒരു ഇലാഹുമില്ല, നീയാണ് എന്നെ സൃഷ്ടിച്ചത്, ഞാന്‍ നിന്‍റെ അടിമയാണ്, ഞാന്‍ ആ ഒരു ഉടമ്പടിയിലും വാഗ്ദത്തത്തിലുമാണ് കഴിയുന്നത്ര നിലകൊള്ളുന്നത്, ഞാന്‍ ഉത്പാദിപ്പിക്കുന്ന തിന്മയെത്തൊട്ട് ഞാന്‍ നിന്നോട് തന്നെ അഭയം തേടുന്നു. നിന്‍റെ അനുഗ്രഹങ്ങള്‍ എന്‍റെ മേല്‍ ചൊരിഞ്ഞത് നിന്‍റെ മുമ്പില്‍ ഞാനിതാ തുറന്ന് വെക്കുന്നു (ആത്മാവുകൊണ്ട് അനുഗ്രഹങ്ങള്‍ സ്മരിക്കുക), എന്‍റെ പാപങ്ങളും ഞാന്‍ ഇതാ നിന്‍റെ മുമ്പില്‍ തുറന്ന് വെക്കുന്നു. അതുകൊണ്ട് എന്‍റെ പാപങ്ങള്‍ നീ പൊറുത്തുതന്നാലും, നിശ്ചയം നീയല്ലാതെ പാപങ്ങള്‍ പൊറുക്കുന്നവനില്ല തന്നെ എന്നതാണ് പ്രസ്തുത പ്രാര്‍ത്ഥന. ഇത് പ്രാര്‍ത്ഥിച്ചുകൊണ്ട് പ്രസ്തുത ഉടമ്പടി (അഹ്ദ്) പാലിക്കുന്നവരാണ് വിശ്വാസികള്ർ. അവര്‍ എപ്പോള്‍ മരിച്ചാലും സ്വര്‍ഗത്തില്‍ പ്രവേശിക്കുമെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 9: 112; 38: 24, 30; 50: 8 വിശദീകരണം നോക്കുക.