ഗ്രന്ഥത്തിന്‍റെ അഭിസംബോധകരായ ഇബ്റാഹീമിന്‍റെയും ഇസ്മാഈലിന്‍റെയും വഴിപിഴച്ച സന്താനങ്ങളായ മക്കാമുശ്രിക്കുകളും ഇസ്ഹാഖിന്‍റെയും യ അ്ഖൂബിന്‍റെയും വഴിപിഴച്ച സന്താനങ്ങളായ ജൂതക്രൈസ്തവരും ഞങ്ങള്‍ സത്യത്തിലും ഞങ്ങളുടെ പൂര്‍വ്വികപിതാക്കളുടെ മാര്‍ഗത്തിലും തന്നെയാണെ ന്ന് അഭിമാനിക്കുന്നവരും, മുഹമ്മദും അനുയായികളും തന്നെയാണ് പിഴച്ചവരെന്ന് വാദിക്കുന്നവരുമായിരുന്നു. ഇതിന് മറുപടിയായിട്ടാണ് നൂഹിന്‍റെ യും ഹൂദിന്‍റെയും സ്വാലിഹിന്‍റെയും ഇബ്റാഹിമിന്‍റെയും ലൂത്തിന്‍റെയും കാര്യത്തില്‍ നടന്ന യഥാര്‍ത്ഥ സംഭവചരിത്രങ്ങള്‍ ഇവിടെ വിവരിക്കുന്നത്.

എന്നാല്‍ ഇന്ന് ഇത്തരം സൂക്തങ്ങളെല്ലാം അറബി ഖുര്‍ആനില്‍ വായിക്കുന്ന ഫുജ്ജാറുകള്‍ അദ്ദിക്റിനെ 'സമാനമായ ഉപമ ഉദാഹരണമായി' (മൗഇളത്ത്) ഉപയോഗപ്പെടുത്താത്തതു കാരണം അന്നത്തെ മക്കാമുശ്രിക്കുകളും ജൂതക്രൈസ്തവരും അഭിമാനിച്ചിരുന്നതിലുപരി ഞങ്ങള്‍ അല്ലാഹുവിന്‍റെ ആളുകളാ ണെന്നും ഞങ്ങള്‍ അഥവാ കുറച്ചുകാലം നരകത്തില്‍ കഴിയേണ്ടിവന്നാല്‍ തന്നെ പ്രവാചകനാലും മഹാത്മാക്കളാലുമെല്ലാം ശുപാര്‍ശ ചെയ്യപ്പെട്ട് സ്വര്‍ഗ ത്തില്‍ എത്തിപ്പെടുമെന്ന് വാദിക്കുന്നവരും അഭിമാനിക്കുന്നവരുമാണ്. 3: 7 ല്‍ വിവരിച്ച പ്രകാരം ഗ്രന്ഥം വായിക്കുന്ന ഫാജിറുകളും കാഫിറുകളുമായ അവര്‍ ഗ്രന്ഥത്തിന്‍റെ ആത്മാവിനെ പരിഗണിക്കാതെ അതിന്‍റെ ശരീരവും ജീവനും മാത്രം പരിഗണിക്കുന്നവരാണ്. നിഷ്പക്ഷവാനായ നാഥന്‍ ആരെയും സ്വര്‍ഗത്തിലേക്കും നരകത്തിലേക്കും ആക്കുന്നില്ല. മറിച്ച് അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്നവരെ ഗ്രന്ഥം നരകക്കുണ്ഠത്തി ലേക്ക് തള്ളിവിടുകയാണ് ചെയ്യുക. യഥാര്‍ത്ഥത്തില്‍ പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസായ അദ്ദിക്റിനെ സ്വയം ഉപയോഗ പ്പെടുത്താതിരിക്കുകയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതിരിക്കുകയും ചെയ്യുകവഴി മറ്റുള്ളവരുടെ പാപഭാരവും കൂടി വഹിച്ച് നരകക്കു ണ്ഠത്തില്‍ പോകേണ്ടിവരുന്ന അവര്‍ പ്രപഞ്ചം നശിപ്പിക്കുന്നതിന് വേഗതകൂട്ടുന്ന അക്രമികളും നാശകാരികളുമാണ്. 2: 80; 3: 138; 6: 25-26; 9: 67-68 വിശദീ കരണം നോക്കുക.