ഇവിടെ പരാമര്‍ശിച്ച കാഫിറുകള്‍ കപടവിശ്വാസികളാണ്. അവര്‍ അല്ലാഹുവിനെയും പരലോകത്തെയും മറന്നവരും പരലോകത്തെക്കാള്‍ ഐഹിക ലോകത്തിന് പ്രാധാന്യം കൊടുക്കുന്നവരുമാണ്. ഗ്രന്ഥത്തിലെ 6236 സൂക്തങ്ങള്‍ കൊണ്ട് വിശ്വാസം രൂപപ്പെടുത്താതെ അവയെ വളച്ചൊടിച്ച് മൂടിവെച്ച് ആശയം തെറ്റിച്ച് അനവസരത്തില്‍ ഉദ്ധരിക്കുന്നവര്‍ അല്ലാഹുവിന്‍റെമേല്‍ കള്ളം കെട്ടിച്ചമച്ച് പറയുന്നവരും നുണ പറയുന്നവരും തന്നെയാണ് എന്ന് 16: 105 ലും; ആരാണോ വിശ്വാസത്തിന് ശേഷം അല്ലാഹുവിനെ നിഷേധിക്കുകയും തങ്ങളുടെ നെഞ്ചുകള്‍ നിഷേധം കാരണം വിശാലമാക്കുകയും ചെ യ്തത്, അപ്പോള്‍ അവരുടെ മേലാണ് അല്ലാഹുവിന്‍റെ കോപമുള്ളത്, അവര്‍ക്ക് വമ്പിച്ച ശിക്ഷയുമാണുള്ളത് എന്ന് 16: 106 ലും; അത് അവര്‍ പരലോകജീവി തത്തെക്കാള്‍ ഐഹിക ജീവിതത്തെ ഇഷ്ടപ്പെട്ടതിനാലാണ്, നിശ്ചയം കാഫിറുകളായ ഒരു ജനതയെ അല്ലാഹു സന്‍മാര്‍ഗത്തിലേക്ക് നയിക്കുകയില്ലത ന്നെ എന്ന് 16: 107 ലും പറഞ്ഞിട്ടുണ്ട്. അല്ലാഹുവിന്‍റെ മേല്‍ കള്ളം കെട്ടിച്ചമച്ച് പറയുന്നവനേക്കാളും അദ്ദിക്ര്‍ വന്നുകിട്ടിയതിന് ശേഷം അതിനെ തള്ളി പ്പറയുന്നവനേക്കാളും ഏറ്റവും വലിയ അക്രമി ആരാണുള്ളത്, ഇത്തരം കാഫിറുകള്‍ക്ക് നരകക്കുണ്ഠത്തില്‍ സ്ഥലം പോരെയോ എന്ന് 29: 68 ലും 39: 32 ലും ചോദിക്കുന്നുണ്ട്. 

അല്ലാഹുവിന്‍റെ മാര്‍ഗം അദ്ദിക്ര്‍ ആണ്. അതുതന്നെയാണ് 6: 153 ല്‍ പറഞ്ഞ നേരെച്ചൊവ്വെയുള്ള പാത. അദ്ദിക്റില്‍ നിന്നാണ് കപടവിശ്വാസികളായ മ നുഷ്യപ്പിശാചുക്കള്‍ ജനങ്ങളെ തടയുക. 'അതിനെ വക്രീകരിക്കുക' എന്ന് പറഞ്ഞാല്‍ അദ്ദിക്ര്‍ സാധാരണക്കാര്‍ക്ക് മനസ്സിലാവുകയില്ല, അത് മനസ്സിലാ ക്കാന്‍ ബുദ്ധിമുട്ടാണ്, അതുകൊണ്ട് നിങ്ങള്‍ ഞങ്ങളെ പിന്‍പറ്റിയാല്‍ മതി എന്ന് സാധാരണക്കാരെ തെറ്റിദ്ധരിപ്പിക്കുക, ഗ്രന്ഥത്തിന്‍റെ ആത്മാവാണ് അ ദ്ദിക്ര്‍ എന്ന് അറിഞ്ഞുകൊണ്ടുതന്നെ ആശയം അറിയാതെ അറബിയിലുള്ള ഗ്രന്ഥത്തിന്‍റെ ശരീരം പാരായണം ചെയ്താലും പുണ്യമുണ്ടെന്ന് തെറ്റിദ്ധരി പ്പിക്കുക തുടങ്ങിയവയാണ്. ആശയം അറിയാതെ ഗ്രന്ഥം വായിക്കുന്നവര്‍ 'വില്ലില്‍ നിന്ന് അമ്പ് തെറിച്ചുപോകുന്ന വേഗത്തില്‍ ദീനില്‍ നിന്ന് തെറിച്ചു പോകുമെന്ന്' പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചതെല്ലാം മൂടിവെക്കുകവഴി ലോകത്തെ കൂടുതല്‍ അന്ധകാരങ്ങളിലേക്ക് നയിക്കുക യാണ് പ്രവാചകന്മാരേയും നബിമാരേയും കൊല്ലാതെ കൊന്നുകൊണ്ടിരിക്കുന്ന ഈ മനുഷ്യപ്പിശാചുക്കള്‍ ചെയ്യുന്നത്. 3: 19, 85 സൂക്തങ്ങളില്‍ പറഞ്ഞ പ്രകാരം മൊത്തം മനുഷ്യര്‍ക്ക് അല്ലാഹുവിന്‍റെ അടുക്കല്‍ സ്വീകാര്യമായ ഏക ജീവിതവ്യവസ്ഥയായ ഇസ്ലാമിനെ വക്രീകരിച്ചുകൊണ്ട് മറ്റേതൊരു ജീ വിതവ്യവസ്ഥയെക്കാളും പിന്‍പറ്റാന്‍ കൊള്ളരുതാത്തതും നീതിരഹിതവും ഭാരം കൂടിയതുമാക്കിത്തീര്‍ത്ത് വികൃതവും വികലവും യുക്തിരഹിതവു മാക്കി ജനമധ്യത്തില്‍ അവതരിപ്പിച്ചുകൊണ്ടിരിക്കുകയാണ് 63: 4 ല്‍ ചുമരില്‍ ചാരിവെച്ച വിറകുകൊള്ളിയോട് ഉപമിക്കപ്പെട്ട തെമ്മാടികളായ ഇവര്‍. അല്ലാഹുവിനെയും അവന്‍റെ മലക്കുകളെയും അവന്‍റെ ഗ്രന്ഥങ്ങളെയും അവന്‍റെ പ്രവാചകന്മാരെയും വിധിദിവസത്തെയും നാഥന്‍റെ ഗ്രന്ഥത്തില്‍ മൂടി വെക്കുന്നവര്‍ ആരോ, അപ്പോള്‍ നിശ്ചയം അവര്‍ 4: 136 ല്‍ വിവരിച്ച പ്രകാരം വിദൂരമായ വഴി കേടിലായിക്കഴിഞ്ഞിരിക്കുന്നു. 1: 7; 9: 23-24, 123; 10: 33; 11: 18-22 വിശദീകരണം നോക്കുക.