നീ പറയുക: എന്‍റെ നാഥന്‍റെ അനുഗ്രഹ ഖജനാവുകള്‍ നിങ്ങളാണ് അധീനപ്പെടുത്തിയിരുന്നതെങ്കില്‍ ചെലവഴിച്ച് തീരുമെന്ന ഭയത്താല്‍ നിശ്ചയം നിങ്ങള്‍ അത് കെട്ടിപ്പൂട്ടിവെക്കുകതന്നെ ചെയ്യുമായിരുന്നു, മനുഷ്യന്‍ പിശുക്കന്‍ തന്നെയായിരിക്കുന്നു.
ജീവിതലക്ഷ്യം നഷ്ടപ്പെട്ട കപടവിശ്വാസികളും അനുയായികളുമടങ്ങിയ ഫുജ്ജാറുകള്‍ പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാ സ്സും അമാനത്തുമായ അദ്ദിക്ര്‍ സ്വയം ഉപയോഗപ്പെടുത്തുകയോ മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കുകയോ ഇല്ല. അവര്‍ക്ക് അധികാരം കിട്ടുക യാണെങ്കില്‍ ആവശ്യത്തിനുപോലും ചെലവഴിക്കാതെ പിശുക്ക് കാണിച്ചുകൊണ്ടും മറ്റുള്ളവരെ അതിനുവേണ്ടി പ്രേരിപ്പിച്ചുകൊണ്ടും അവര്‍ ജീവിതം കുടുസ്സാക്കി മാറ്റുന്നതാണ്. അവരില്‍ പെട്ട മറ്റുചിലര്‍ പൊങ്ങച്ചത്തിനുവേണ്ടി ധൂര്‍ത്തടിച്ച് ചെലവഴിക്കുകവഴി നാണയപ്പെരുപ്പത്തിനും അരാജകത്വത്തി നും മനുഷ്യര്‍ക്ക് ജീവിതഭാരം വര്‍ദ്ധിക്കാനും കാരണമാകും വിധം പ്രവര്‍ത്തിക്കുന്നവരാണ്. ഏഴാം ഘട്ടമായ പരലോകത്ത് അനന്തരമെടുക്കാനുള്ള സ്വ ര്‍ഗ്ഗം നാലാം ഘട്ടമായ ഐഹികലോകത്തുവെച്ച് സമ്പാദിക്കലാണ് ജീവിതലക്ഷ്യം എന്ന് മനസ്സിലാക്കിയ വിശ്വാ സികള്‍ മാത്രമേ ജീവിതത്തില്‍ മിത ത്വം കൈക്കൊണ്ട് ജീവിക്കുകയും 59: 9; 64: 16 സൂ ക്തങ്ങളില്‍ പറഞ്ഞ പ്രകാരം സ്വാര്‍ത്ഥതയും മനസ്സിന്‍റെ കുടുസ്സും ഒഴിവാക്കി എല്ലാ ജീവജാലങ്ങളു ടെയും ക്ഷേമവും ഐശ്വര്യവും ലക്ഷ്യം വെച്ച് പ്രവര്‍ത്തിക്കുകയുമുള്ളൂ. 2: 11 -12; 4: 37-39, 53; 9: 67-68 വിശദീകരണം നോക്കുക.