ഇഹത്തിലേക്കും പരത്തിലേക്കും ഉല്‍ക്കൃഷ്ടമായ വഴിയാണ് സൂക്തത്തിലൂടെ കല്‍പിക്കുന്നത്. അതുവഴി കൊടുക്കുന്നവനും വാങ്ങുന്നവനും പരസ്പരം വിശ്വാസമര്‍പ്പിക്കുന്നു. ആത്മാവിന്‍റെ ഉടമയായ അല്ലാഹു എല്ലാം വീക്ഷിക്കുന്നുണ്ട് എന്നും എല്ലാഓരോ കാര്യവും 17: 13-14 സൂക്തങ്ങളില്‍ പറഞ്ഞ പ്ര കാരം അവരവരുടെ പിരടിയില്‍ ബന്ധിപ്പിച്ചിട്ടുള്ള കര്‍മ്മരേഖയില്‍ രേഖപ്പെടുത്തുന്നുണ്ടെന്നുമുള്ള ബോധത്തില്‍ പരസ്പരം പെരുമാറുമ്പോള്‍ ഒരാ ള്‍ക്കും മറ്റൊരാളെ വഞ്ചിക്കാന്‍ സാധ്യമല്ല. അങ്ങനെത്തന്നെയാണ് മനുഷ്യരുടെ ഐക്യം ഊട്ടിയുറപ്പിക്കപ്പെടുന്നത്. നിങ്ങള്‍ 'നീതിയുടെ ത്രാസ്' കൊണ്ട് തൂക്കുക എന്ന് പറഞ്ഞതിന്‍റെ വിവക്ഷ സാക്ഷിയായ അദ്ദിക്റിനെ ത്രാസ്സായി ഉപയോഗപ്പെടുത്തിക്കൊണ്ട് തൂക്കുക എന്നാണ്. ശുഐബ് നബി ത ന്‍റെ ജനതയോട് നിങ്ങള്‍ നീതിയുടെ ത്രാസ്സ് -അദ്ദിക്ര്‍- കൊണ്ട് തൂക്കുക എന്ന് പറഞ്ഞതായി 26: 182 ലും; നിങ്ങള്‍ നീതികൊണ്ട് തൂക്കം ശരിപ്പെടുത്തുക, ത്രാസില്‍ നിങ്ങള്‍ കുറവ് വരുത്തുകയുമരുത് എന്ന് 55: 9 ലും പറഞ്ഞിട്ടുണ്ട്. വിധി ദിവസത്തെക്കൊണ്ട് വിശ്വസിക്കാത്ത ധിക്കാരികളും കുറ്റവാളി കളുമായ, നരകക്കുണ്ഠത്തിലെ 'സിജ്ജീന്‍' പട്ടികയിലേക്ക് രേഖപ്പെടുത്തപ്പെട്ടവരായ ഫുജ്ജാറുകള്‍ ജനങ്ങളുടെ സാധനങ്ങള്‍ അളന്ന് വാങ്ങുമ്പോള്‍ അ ളവും തൂക്കവും പൂര്‍ത്തിയാക്കുന്നവരും അളന്ന് കൊടുക്കുമ്പോള്‍ അതില്‍ കുറവ് വരുത്തുന്നവരുമാണ് എന്ന് 83: 1-12 സൂക്തങ്ങളില്‍ പറഞ്ഞിട്ടുണ്ട്. 4: 59; 5: 8; 16: 94-95 വിശദീകരണം നോക്കുക.