വിശ്വാസികള്‍ക്ക് സമ്പത്തോ മറ്റ് അനുഗ്രഹങ്ങളോ ലഭിക്കുമ്പോള്‍ 'ഇത് അല്ലാഹു ഉദ്ദേശിച്ചതുകൊണ്ടാണ് ലഭിച്ചത്, അവനെക്കൂടാതെ ഞങ്ങള്‍ക്ക് യാ തൊരു കഴിവും ശക്തിയുമില്ല, ഇത് എന്നെ പരീക്ഷിക്കുന്നതിനുവേണ്ടി നല്‍കിയതാണ്' എന്നാണ് മനസ്സില്‍ കരുതുക. അതുപേലെ 'എല്ലാം അല്ലാഹു വില്‍ നിന്നാണ്, എല്ലാം അല്ലാഹുവിലേക്കാണ് മടങ്ങുക' എന്ന് മനസ്സാ പ്രാര്‍ത്ഥിക്കുന്നതുമാണ്. എന്നാല്‍ സമ്പത്തും ഭൗതിക അലങ്കാരങ്ങളും സത്യത്തി ന്‍റെ മാനദണ്ഡമായി കണക്കാക്കുന്ന കപടവിശ്വാസികള്‍, അല്ലാഹുവിന്‍റെ നിഷ്പക്ഷവാന്‍ എന്ന സ്വഭാവം അംഗീകരിക്കാത്തവരാണ്. അവര്‍ നാളേക്കു വേണ്ടി നരകക്കുണ്ഠം സമ്പാദിക്കുന്നവരായതിനാല്‍ ഐഹികലോകത്ത് വിഭവങ്ങള്‍ കൂടുതല്‍ നല്‍കിയിട്ടുള്ളത് നിഷ്പക്ഷവാനെ നിഷേധിക്കുന്ന അ വര്‍ക്കാണ്. എന്നാല്‍ എല്ലാ അലങ്കാരങ്ങളും സമൃദ്ധിയും പരലോകത്തെ നിഷേധിക്കുന്ന അത്തരക്കാര്‍ക്ക് മാത്രമായി നല്‍കിയിരുന്നുവെങ്കില്‍ ഒറ്റ വി ശ്വാസിയുമില്ലാതെ എല്ലാവരും കാഫിറുകളായി മാറി ഒറ്റസമുദായമാകുമായിരുന്നു. അങ്ങനെ വരാതിരിക്കാന്‍ വേണ്ടി സമ്പത്തും സമൃദ്ധിയും കുറച്ച് വിശ്വാസികള്‍ക്കും നല്‍കുകയാണുണ്ടായത്. അപ്പോള്‍ ജീവിതലക്ഷ്യം മനസ്സിലാക്കിയ ആയിരത്തില്‍ ഒന്നായ വിശ്വാസികള്‍ 6: 165 ല്‍ വിവരിച്ച പ്രകാ രം   അവര്‍ വന്നപ്പോള്‍ കൊണ്ടുവരാത്തതും പോകുമ്പോള്‍ കൊണ്ടുപോകാത്തതുമായ എല്ലാ സമ്പത്തും അനുഗ്രഹങ്ങളും ഏറ്റവും വലിയ അനുഗ്രഹവും ഐശ്വര്യവുമായ അദ്ദിക്റിന്‍റെ വെളിച്ചത്തില്‍ ഉപയോഗപ്പെടുത്തി സ്വര്‍ഗം ഇവിടെ വെച്ച് പണിയുന്നതാണ്. 3: 133-136 വിശദീകരണം നോക്കുക.

അവരാണോ നിന്‍റെ നാഥന്‍റെ അനുഗ്രഹം ഭാഗം വെച്ചുകൊടുക്കുന്നത്? നാമാണ് ഐഹികജീവിതത്തിലെ അവരുടെ ജീവിതവിഭവങ്ങള്‍ അവര്‍ക്കിട യില്‍ വിഭജിച്ചുകൊടുത്തിട്ടുള്ളത്, അവരില്‍ ചിലരുടെ പദവികള്‍ ചിലരുടേതിനേക്കാള്‍ നാം ഉയര്‍ത്തുകയും ചെയ്തിരിക്കുന്നു -അവരില്‍ ചിലര്‍ ചി ലരെ പരിഹാസപാത്രമായി തെരഞ്ഞെടുക്കുന്നതിനുവേണ്ടി, നിന്‍റെ നാഥന്‍റെ കാരുണ്യം തന്നെയാണ് അവര്‍ ശേഖരിച്ചുകൊണ്ടിരിക്കുന്നതിനേക്കാ ളെല്ലാം ഉത്തമമായിട്ടുള്ളതും; മനുഷ്യരെല്ലാം ഒറ്റ സമുദായമാകുമായിരുന്നില്ലെങ്കില്‍ നിഷ്പക്ഷവാനെ നിഷേധിക്കുന്നവര്‍ക്ക് അവരുടെ വീടുകളുടെ മച്ചു കളും അതിലേക്ക് കയറിപ്പോകാനുള്ള കോണിപ്പടികളും വാതിലുകളും അവര്‍ക്ക് ചാരിക്കിടക്കാനുള്ള കട്ടിലുകളുമെല്ലാം നാം വെള്ളിയാലും നവര ത്നങ്ങളാലുമുള്ളതാക്കുമായിരുന്നു, എന്നാല്‍ അതെല്ലാം തന്നെ ഐഹിക ജീവിതത്തിലെ വിഭവങ്ങള്‍ മാത്രമാണ്, പരലോകമാകട്ടെ, നിന്‍റെ നാഥന്‍റെ പക്കല്‍ സൂക്ഷ്മാലുക്കള്‍ക്കുള്ളതുമാകുന്നു എന്ന് 43: 32-35 സൂക്തങ്ങളില്‍ പറഞ്ഞിട്ടുണ്ട്. 'നാഥന്‍റെ അനുഗ്രഹവും കാരുണ്യവും' ഐശ്വര്യമായ അദ്ദിക്ര്‍ തന്നെയാണ്. 1: 2; 10: 57-58; 11: 58-59 വിശദീകരണം നോക്കുക.