കാഫിറുകളായ ഒരു ജനവിഭാഗത്തെ അവരുടെ കൃഷി നശിപ്പിച്ചുകൊണ്ട് പരീക്ഷിച്ച സന്ദര്‍ഭം 68: 17-29 സൂക്തങ്ങളില്‍ വിവരിച്ചിട്ടുണ്ട്. അദ്ദിക്ര്‍ ലഭി ച്ചിട്ട് അത് ഇന്നത്തെ കാലത്ത് പിന്‍പറ്റി ജീവിക്കുക പ്രായോഗികമല്ല, അതെല്ലാം പൂര്‍വ്വികരുടെ പഴമ്പുരാണങ്ങളാണ് എന്ന നയത്തില്‍ അതിനെ സ്വയം ഉപയോഗപ്പടുത്തുകയോ മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കുകയോ ചെയ്യാതെ മൂടിവെച്ച് ലോകം നശിക്കുന്നത് കൈയും കെട്ടി നോക്കിയിരി ക്കുന്ന ഏത് ജനവിഭാഗത്തെക്കൊണ്ടും അല്ലാഹു അപ്രകാരമാണ് പ്രവര്‍ത്തിക്കുക എന്ന് ഈ സംഭവം താക്കീത് നല്‍കുന്നുണ്ട്. ഇത്തരം കാഫിറുകളോട്: നിങ്ങള്‍ ചിന്തിച്ചുനോക്കിയിട്ടുണ്ടോ, നിങ്ങളുടെ കുടിവെള്ളം ഒരു പ്രഭാതത്തില്‍ വറ്റിപ്പോവുകയാണെങ്കില്‍ അപ്പോള്‍ ആരാണ് നിങ്ങള്‍ക്ക് കുടിക്കാനു ള്ള തെളിഞ്ഞ ഉറവുവെള്ളം കൊണ്ടുവന്ന് തരാനുള്ളത് എന്ന് 67: 30 ല്‍ ചോദിച്ചിട്ടുണ്ട്. 

സൂക്തത്തില്‍ 'എന്‍റെ നാഥനില്‍ ഞാന്‍ ഒന്നിനെയും പങ്കുചേര്‍ക്കാതിരുന്നുവെങ്കില്‍' എന്ന് പറഞ്ഞതിലെ പങ്കുചേര്‍ക്കല്‍ -ശിര്‍ക്ക്- എന്താണെന്നത് പ്രത്യേകം ശ്രദ്ധിക്കുക! അതായത് സ്രഷ്ടാവിന് ഇടയാളന്‍മാരെയോ പകരക്കാരെയോ ഒന്നും അവന്‍ ജല്‍പിക്കു ന്നില്ല, മറിച്ച് അവന് നല്‍കപ്പെട്ട അനുഗ്രഹങ്ങളുടെ ഉറവിടത്തെ വിസ്മരിച്ചുകൊണ്ട് അവന്‍ അല്ലാഹ് എന്ന ബോധമില്ലാതെ സംസാരിച്ച് തെമ്മാടിയാവുകയാണുണ്ടായത്. 2: 99, 176; 9: 67-68; 59: 19 വിശദീകരണം നോക്കുക.