ഗ്രന്ഥത്തിന്‍റെ ആശയത്തില്‍ നിന്ന് പാഠമുള്‍ക്കൊള്ളാതെ ഐഹികജീവിതാലങ്കാരങ്ങളിലും സുഖാഡംബരങ്ങളിലും മുഴുകി ജീവിതലക്ഷ്യം നഷ്ടപ്പെട്ട് ജീവിക്കുന്ന മനുഷ്യര്‍ ഇന്ന് ഭൂമിയെയും പ്രപഞ്ചത്തെയും നശിപ്പിച്ചുകൊണ്ടിരിക്കുന്ന പ്രവര്‍ത്തനങ്ങളിലാണ് കൂടുതലായി ഏര്‍പ്പെട്ടിട്ടുള്ളത്. പെട്രോളി യം, കല്‍ക്കരി, ധാതുക്കള്‍, ലോഹങ്ങള്‍ തുടങ്ങിയ പ്രകൃതിവിഭവങ്ങളുടെ സന്തുലിത അളവാണ് ഭൂമിയുടെ ഗുരുത്വാകര്‍ഷണത്തെ നിലനിര്‍ത്തുന്നത് എന്നത് ഒരു വസ്തുതയാണ്. ഇവയുടെ നിയന്ത്രണാതീതമായ ഖനനം ഭൂമിയുടെ കാന്തികശക്തി നഷ്ടപ്പെടാനും അതുവഴി ഭൂമി തിരിച്ചുകറങ്ങാനും കാര ണമാകുന്നതാണ്. ഇന്ന് ലോകരാഷ്ട്രങ്ങള്‍ പ്രത്യേകിച്ച് അറബ് രാഷ്ട്രങ്ങള്‍ സാമ്പത്തികനേട്ടം മാത്രം ലക്ഷ്യം വെച്ചുകൊണ്ട് അനന്തരപരിണിതികള്‍ പ രിഗണിക്കാതെ അനിയന്ത്രിതമായ രീതിയില്‍ ക്രൂഡ് ഓയിലും മറ്റും കുഴിച്ചെടുത്തുകൊണ്ടിരിക്കുകയാണ്. വാഹനങ്ങളിലും വ്യവസായങ്ങളിലുമുള്ള പെട്രോളിയം ഉല്‍പന്നങ്ങളുടെ ഉപയോഗം അന്തരീക്ഷത്തിലെ താപനില ഉയര്‍ത്തുകയും അത് ഭൂമിയുടെ ഗുരുത്വാകര്‍ഷണത്തെ ദോഷകരമായി ബാധി ക്കുകയും ചെയ്യുന്നു. 30: 41 ല്‍ ജനങ്ങളുടെ കൈകള്‍ സമ്പാദിച്ചതിന്‍റെ ഫലമായി കരയിലും കടലിലും നാശം പ്രത്യക്ഷപ്പെട്ടിരിക്കുന്നു, അവര്‍ പ്രവര്‍ത്തി ച്ചുകൊണ്ടിരിക്കുന്നതില്‍ ചിലതിന്‍റെ ഫലം അവരെ രുചിപ്പിക്കുന്നതിന് വേണ്ടി, അവര്‍ യഥാര്‍ത്ഥ ജീവിതലക്ഷ്യത്തിലേക്ക് മടങ്ങുന്നവരാകുന്നതിന് വേണ്ടി എന്ന് പറഞ്ഞിട്ടുണ്ട്.

ത്രാസും അമാനത്തുമായ അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന ഫുജ്ജാറുകളെപ്പോലെ പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങളും തെമ്മാടികളായി മാറുന്നതോടെ ഇജാസില്‍ മഹ്ദിയുടെ ആഗമനം നടക്കുകയും ലോകത്തിന്‍റെ വിവിധ ഭാഗങ്ങളില്‍ നിന്നുള്ള വിശ്വാ സികളെ അങ്ങോട്ട് വേര്‍തിരിക്കുകയും ഫുജ്ജാറുകള്‍ അവിടെനിന്ന് പുറത്താക്കപ്പെടുകയും ചെയ്യുന്നതാണ്. 6: 158 ല്‍ വിവരിച്ച പ്രകാരം വിചാരണയി ല്ലാതെ സ്വര്‍ഗത്തിലേക്ക് മുന്‍കടക്കുന്ന അവസാനത്തെ വിശ്വാസിയും ഭൂമുഖത്തുനിന്ന് പോകുന്നതോടുകൂടി ഭൂമിയുടെ തിരിച്ചുകറക്കം സംഭവിക്കുന്ന തും അന്ത്യനാളിന്‍റെ അടയാളങ്ങള്‍ വഴിക്കുവഴിയായി പ്രത്യക്ഷപ്പെടുന്നതുമാണ്. 2: 62; 6: 26; 7: 5, 123 വിശദീകരണം നോക്കുക.