'അതില്‍ നിന്നാണ് നാം നിങ്ങളെ സൃഷ്ടിച്ചത്' എന്ന് പറഞ്ഞതില്‍ നിന്നും ഭൂമിയിലാണ് നാം നിങ്ങളെ സൃഷ്ടിച്ചത് എന്ന് ആശയം വരുന്നില്ല. 15: 26; 30: 20 സൂക്തങ്ങളില്‍ വിവരിച്ച പ്രകാരം ഭൂമിയില്‍ നിന്ന് കൊണ്ടുപോയ മണ്ണുകൊണ്ട് സ്വര്‍ഗത്തില്‍ വെച്ചാണ് ആദമിന്‍റെ ശരീരം സൃഷ്ടിച്ചിട്ടുള്ളത്. 32: 7-9 സൂക്തങ്ങളില്‍, മനുഷ്യന്‍റെ സൃഷ്ടിപ്പിന് കളിമണ്ണ് കൊണ്ട് തുടക്കം കുറിച്ചു, പിന്നെ അവന്‍റെ വംശപരമ്പര ഹീനമായ വെള്ളത്തിന്‍റെ സത്തില്‍ നിന്നാ ക്കിമാറ്റി, പിന്നെ അവനെ രൂപപ്പെടുത്തി, നാലാം മാസത്തില്‍ അവന്‍റെ റൂഹില്‍ നിന്ന് അതില്‍ ആവാഹിപ്പിച്ചു, നിങ്ങള്‍ക്ക് അവന്‍ കേള്‍വി, കാഴ്ച, ബുദ്ധി ശക്തി എന്നിവ പ്രദാനം ചെയ്യുകയും ചെയ്തു, എന്നാല്‍ നിങ്ങളില്‍ അല്‍പം പേര്‍ മാത്രമേ നന്ദി പ്രകടിപ്പിക്കുന്നവരായുള്ളൂ എന്ന് പറഞ്ഞിട്ടുണ്ട്. മരണ പ്പെട്ട ഒരാളെ മറമാടിക്കഴിഞ്ഞാല്‍ ആ ഖബറിലേക്ക് മൂന്ന് പിടി മണ്ണ് വാരിയിട്ടുകൊണ്ട് ഈ സൂക്തത്തില്‍ പറഞ്ഞവിധം പറയാന്‍ പ്രവാചകനിലൂടെ പഠി പ്പിക്കപ്പെട്ടിട്ടുണ്ട്. 2: 28; 4: 1 വിശദീകരണം നോക്കുക.