(അന്നൂര്‍) 24 : 37
رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ
കച്ചവടമോ ക്രയവിക്രയങ്ങളോ അല്ലാഹുവിന്‍റെ സ്മരണയെത്തൊട്ട് തടയാത്ത ചില പുരുഷന്മാര്‍; അവര്‍ മുറപ്രകാരം നമസ്കാരം നിലനിര്‍ത്തുന്നവരും സക്കാത്ത് നല്‍കുന്നവരും ഹൃദയങ്ങളും ദൃഷ്ടികളും തകിടം മറിയുന്ന ഒരു ദിനത്തെ ഭയപ്പെട്ടുകൊണ്ടിരിക്കുന്നവരുമാണ്.
അദ്ദിക്ര്‍ കൊണ്ടുമാത്രമാണ് നാഥന്‍റെ സ്മരണ നിലനിര്‍ത്താന്‍ സാധിക്കുക. ദിക്രീ എന്ന ഗ്രന്ഥം നിലനിര്‍ത്തുന്നതിന് വേണ്ടി നമസ്കരിക്കുക എന്നാണ് 20: 14 ല്‍ പറഞ്ഞിട്ടുള്ളത്. 18: 100-101 സൂക്തങ്ങളില്‍ വിവരിച്ച പ്രകാരം ആരാണോ ദിക്രീ എന്ന ഗ്രന്ഥം കാണാത്തതും കേള്‍ക്കാത്തതും, അക്കൂട്ടരാണ് നര കക്കുണ്ഠത്തിലേക്കുള്ള കാഫിറുകള്‍. 15: 9; 22: 77-78; 23: 57-61; 56: 82 വിശദീകരണം നോക്കുക.