നീ എപ്പോഴും അല്ലാഹുവിനെ സ്തുതിച്ചുകൊണ്ട് നിലകൊള്ളുന്നവനാവുക എന്നും, 41: 53 ല്‍ പറഞ്ഞ പ്രകാരം ഗ്രന്ഥത്തിലെ സൂക്തങ്ങളുടെ പ്രവചനം ഇഹലോകത്തുവെച്ചു തന്നെ പുലരുന്നത് അവന്‍ കാണിച്ചുതരുമെന്നും, അപ്പോള്‍ അത് സത്യമാണെന്ന് നിങ്ങള്‍ തിരിച്ചറിയുകയും നിങ്ങള്‍ക്ക് ബോധ്യ പ്പെടുകയും ചെയ്യുമെന്നുമാണ് പറയുന്നത്. ഇഹലോക ജീവിതമാകുന്ന പരീക്ഷണവേളയില്‍ തന്‍റെ നിയോഗലക്ഷ്യം തിരിച്ചറിയാവുന്ന സന്ദര്‍ഭങ്ങളും സാഹചര്യങ്ങളും കൊണ്ടുവരുന്നതും, അവന്‍റെ സൂക്തങ്ങള്‍ നിങ്ങള്‍ക്ക് മുമ്പില്‍ വ്യക്തമാക്കിത്തരുന്നതുമെല്ലാം അവന്‍ തന്നെയാണ്. അത് തിരിച്ചറി ഞ്ഞ ശേഷം  ബാക്കി ജീവിതം കൊണ്ടുള്ള നിങ്ങളുടെ മറുപടി എന്തായിരിക്കുമെന്നാണ് അവന്‍ വീക്ഷിച്ചുകൊണ്ടിരിക്കുന്നത്. അതാണ് നിന്‍റെ നാഥന്‍ നിങ്ങള്‍ പ്രവര്‍ത്തിച്ചുകൊണ്ടിരിക്കുന്നതിനെത്തൊട്ട് ഒട്ടും അശ്രദ്ധനുമല്ല എന്ന് ആ സൂക്തത്തിലും, ത്രികാലജ്ഞാനിയായ നാഥന്‍ നിങ്ങള്‍ പ്രവര്‍ത്തിച്ചു കൊണ്ടിരിക്കുന്നതെല്ലാം ഉറക്കവും മയക്കവുമില്ലാതെ വീക്ഷിച്ചുകൊണ്ടിരിക്കുന്നവനാണ് എന്ന് 2 : 255 ലും പറഞ്ഞതിന്‍റെ വിവക്ഷ. കൂടാതെ 17: 13-14 സൂക്തങ്ങളില്‍ പറഞ്ഞ പ്രകാരം ഓരോരുത്തരുടെയും പിരടിയില്‍ ബന്ധിച്ചിട്ടുള്ള കര്‍മ്മരേഖയില്‍ അവരുടെ ചിന്തകള്‍വരെ രേഖപ്പെടുത്തിക്കൊ ണ്ടിരിക്കുന്നുമുണ്ട്. 2: 85; 6: 165; 25: 57-59 വിശദീകരണം നോക്കുക.