അദ്ദിക്ർ

 313 പ്രവാചകന്മാരെയും അയച്ചിട്ടുള്ളത് സത്യവും തെളിവുമായ അദ്ദിക്റും കൊണ്ടാണെന്നും, അല്ലാഹു അല്ലാതെ മറ്റൊരു ഇലാഹുമില്ല, അപ്പോള്‍ നിങ്ങള്‍ അവനെ മാത്രം സേവിക്കുക എന്ന് മുന്നറിയിപ്പ് നല്‍കുന്നതിനാണെന്നും 21: 24-25 ല്‍ പറഞ്ഞിട്ടുണ്ട്. ആ ദ്യം വിശ്വസിക്കുകയും പിന്നെ നിഷേധിക്കുകയും ചെയ്ത കപടവിശ്വാസികളുടെ ഹൃദയങ്ങളുടെ മേല്‍ മുദ്രവെക്കപ്പെട്ടതിനാല്‍ ഇനി അവര്‍ ലക്ഷ്യബോധം ഗ്രഹിക്കുകയില്ല എന്ന് 63: 3 ല്‍ പറഞ്ഞിട്ടുണ്ട്. 2: 99 ല്‍ വിവരിച്ച പ്രകാരം ലക്ഷ്യബോധം നഷ്ടപ്പെട്ട തെ മ്മാടികളായ കപടവിശ്വാസികള്‍ ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ മനുഷ്യരില്‍ നിന്ന് മൂടിവെക്കുന്നതിനാല്‍ 7: 179 ല്‍ വിവരിച്ച പ്രകാരം അവ രെക്കൊണ്ടും അവരുടെ പ്രജ്ഞയറ്റ അനുയായികളെക്കൊണ്ടും നരകക്കുണ്ഠം കുത്തിനിറക്കുകതന്നെ ചെയ്യുന്നതാണ്.

ആയിരം സമുദായങ്ങളില്‍ പെട്ട ജീവികള്‍ക്ക് അവയുടെ ആത്മാവുകൊണ്ട് പ്രപഞ്ചനാഥനെ കീര്‍ത്തനം ചെയ്യാനും പരിശുദ്ധപ്പെടുത്താനും അവസരം നല്‍കുക എന്ന ലക്ഷ്യം വെച്ചുകൊണ്ട് ഒറ്റപ്പെട്ട വിശ്വാസി ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ ലോകരില്‍ പ്രപചരിപ്പിക്കാന്‍ ശ്രമിക്കുന്നവരാണ്. ചിന്താശക്തി ഉപയോഗപ്പെടുത്താത്ത ബധിരരും ഊമരും ദുഷ്ടജീവികളുമായ ഫുജ്ജാറുകള്‍ പ്രകാശമാ യ അദ്ദിക്റിനെ അവരുടെ വായകൊണ്ട് ഊതിക്കെടുത്താന്‍ ശ്രമിക്കുന്നവരാണെങ്കിലും നാഥന്‍ അവന്‍റെ പ്രകാശത്തെ പൂര്‍ത്തീകരിക്കുകതന്നെ ചെയ്യും, അത് കാഫിറുകള്‍ക്ക് എത്ര ഇഷ്ടമല്ലെങ്കിലും ശരി എന്ന് 9: 32 ല്‍ പറഞ്ഞിട്ടുണ്ട്.