ആണായിരിക്കട്ടെ പെണ്ണായിരിക്കട്ടെ, ഓരോരുത്തര്‍ക്കും അവരവര്‍ നാലാം ഘട്ടമായ ഐഹിക ലോകത്തുവെച്ച് സമ്പാദിച്ചതാണ് ഏഴാം ഘട്ടമായ പരലോകത്ത് ലഭിക്കുക. അപ്പോള്‍ പ്രവാചകനും വിശ്വാസികളും സത്യമായ അദ്ദിക്റിന്‍റെ വെളിച്ചത്തില്‍ പ്രസ്തുത ലക്ഷ്യബോധത്തോടെയുള്ള ജീവിതമാണ് ഇവിടെ നയിക്കുക. സര്‍വ്വസ്വം അല്ലാഹുവിന് സമര്‍പ്പിച്ച് ജീവിക്കുന്ന അവര്‍ 75: 22-23 സൂക്തങ്ങളില്‍ വിവരിച്ച പ്രകാരം അല്ലാഹുവിനെ സന്തോഷത്തോടുകൂടി ആത്മാവുകൊണ്ട് കണ്ട് അവന്‍റെ വീടായ സ്വ ര്‍ഗത്തിലേക്ക് തിരിച്ചുപോകുന്നതാണ്. ലക്ഷ്യബോധമില്ലാത്ത കാഫിറുകള്‍ 10: 7-8; 46: 20; 47: 12 എന്നീ സൂക്തങ്ങളില്‍ പറഞ്ഞ പ്രകാരം തിന്നുകുടിച്ച് മദിച്ച് ജീവിതത്തെ കളിയും തമാശയുമാക്കിയവരും ഐഹികലോകം കൊണ്ട് തൃപ്തിപ്പെടുന്നവരുമാണ്. 75: 24 ല്‍ വിവരിച്ച പ്രകാരം അവര്‍ മരണസമയത്ത് ദുഖത്തോടുകൂടി പിശാചിനെ കാണുകയും അവന്‍റെ വീടായ നരകക്കു ണ്ഠത്തില്‍ പ്രവേശിക്കുന്നതുമാണ്. 2: 38-39; 28: 55 -56; 109: 6 വിശദീകരണം നോക്കുക.