'തന്‍റെ കൈകള്‍ ഒരുക്കിവെച്ചത്' എന്നതുകൊണ്ട് ഉദ്ദേശിക്കുന്നത് അവന്‍റെ തെറ്റുകുറ്റങ്ങളാണ്. തെറ്റും ശരിയും തിരിച്ചറിയാനുള്ള ഉരക്കല്ലാണ് അദ്ദിക്ര്‍ എന്നതിനാല്‍ അദ്ദിക്ര്‍ ഇല്ലാതെയുള്ള നമസ്കാരം, സക്കാത്ത്, നോമ്പ്, ഹജ്ജ് തുടങ്ങിയ ഏത് പ്രവര്‍ത്തനവും തെറ്റായി മാറുന്നതാണ്. തന്‍റെ നാഥന്‍റെ സൂക്തങ്ങള്‍ കൊണ്ട് ഹൃദയത്തിന്‍റെ ഭാഷയില്‍ ഉണര്‍ത്തപ്പെട്ടതിന് ശേഷം പിന്നെ അതിനെ അവഗണിച്ച് പോകുന്നവനാണ് ഏറ്റവുംവലിയ അക്രമി എന്നും നിശ്ചയം ഇത്തരം ഭ്രാന്തന്മാരോട് നാം പ്രതികാരം ചെയ്യുകതന്നെ ചെയ്യുമെന്നും 32: 22 ല്‍ പറഞ്ഞിട്ടുണ്ട്. അതുകൊണ്ടാണ് 4: 145; 33: 61; 80: 17 എന്നീ സൂക്തങ്ങളില്‍ അദ്ദിക്ര്‍ അറിഞ്ഞിട്ട് അതിനെ മൂടിവെക്കുന്ന കപടവിശ്വാസികള്‍ അല്ലാഹുവിന്‍റെ ശത്രുക്കളാണെന്നും വധിക്കപ്പെട്ടവരാണെ ന്നും ശപിക്കപ്പെട്ടവരാണെന്നും വിചാരണയില്ലാതെ നരകത്തിന്‍റെ അടിത്തട്ടില്‍ പോകുന്നവരാണെന്നും പറഞ്ഞിട്ടുള്ളത്. 6: 25-26; 17: 45-46; 25: 33-34 വിശദീകരണം നോക്കുക.