അക്കൂട്ടരെല്ലാമാണ് ആദം സന്തതിപരമ്പരകളില്‍ നിന്ന് അല്ലാഹുവിന്‍റെ അനുഗ്രഹത്തിന് വിധേയമായിട്ടുള്ള നബിമാരില്‍ നിന്നുള്ള ചിലര്‍, നൂഹിന്‍റെ കൂടെ നാം കപ്പലില്‍ വഹിപ്പിച്ചവരില്‍ നിന്നുള്ള ചിലര്‍, ഇബ്റാഹിമിന്‍റേയും ഇസ് റാഈലിന്‍റെയും സന്തതിപരമ്പരകളില്‍ പെട്ട ചിലര്‍, നാം സന്മാര്‍ഗ ത്തിലാക്കുകയും തെരഞ്ഞെടുക്കുകയും ചെയ്തിട്ടുള്ളവരില്‍ നിന്നുള്ള ചിലര്‍; നിഷ്പക്ഷവാന്‍റെ സൂക്തങ്ങള്‍ അവരുടെമേല്‍ വിശദീകരിച്ച് കൊടുക്ക പ്പെട്ടാല്‍ ഉടനെത്തന്നെ അവര്‍ കരഞ്ഞുകൊണ്ട് സാഷ്ടാംഗത്തില്‍ വീഴുന്നതാണ്.
ആദം മുതല്‍ അന്ത്യനാള്‍ വരെയുള്ള വിശ്വാസികളുടെ സ്വഭാവമാണ് ഈ സൂ ക്തത്തില്‍ വരച്ചുകാണിച്ചിട്ടുള്ളത്. സന്മാര്‍ഗമായ അദ്ദിക്ര്‍ പിന്‍പറ്റുന്ന എല്ലാ നബിമാരും പ്രവാചകന്മാരും വിശ്വാസികളും നിഷ്പക്ഷവാനായ നാഥനില്‍ നിന്നുള്ള ഗ്രന്ഥത്തിലെ സാഷ്ടാംഗപ്രണാമത്തിന്‍റെ സൂക്തങ്ങള്‍ വായി ക്കുകയോ കേള്‍ക്കുകയോ ചെയ്യുമ്പോള്‍ സാഷ്ടാംഗത്തില്‍ വീഴുന്നവരാണ്. 7: 205-206 സൂക്തങ്ങളില്‍ വിവരിച്ച പ്രകാരം ഗ്രന്ഥത്തിലെ തിലാവത്തിന്‍റെ 15 സൂക്തങ്ങള്‍ വായിക്കുകയോ കേള്‍ക്കുകയോ ചെയ്യുമ്പോള്‍ സാഷ്ടാംഗപ്രണാമം ചെയ്യാത്തവര്‍ പിശാചിനാല്‍ പാട്ടിലാക്കപ്പെട്ടവരും തങ്ങളുടെ മുഖ ങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ളവരും ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരുമാണെന്ന് 25: 33-34 സൂക്തങ്ങളില്‍ പറഞ്ഞിട്ടുണ്ട്. 17: 109; 25: 60; 32: 15; 38: 24 വിശദീകരണം നോക്കുക.