വഞ്ചകന്മാരെക്കൊണ്ടുദ്ദേശിക്കുന്നത് കപടവിശ്വാസികളാണ്. അവര്‍ അല്ലാഹുവിന്‍റെയും വിശ്വാസികളുടെയും ശത്രുക്കളാണ്. അതുകൊണ്ട് കപടവി ശ്വാസികള്‍ വിശ്വാസികള്‍ക്കെതിരായി നടത്തുന്ന കുതതന്ത്രങ്ങളെ നാഥന്‍ പ്രതിരോധിക്കുമെന്നാണ് സൂക്തത്തില്‍ പറഞ്ഞതെങ്കിലും ഇന്ന് അദ്ദിക്ര്‍ ഗ്രന്ഥമായി രൂപപ്പെട്ടിരിക്കെ അതിനെ പരിചയും മുഹൈമിനുമായി ഉപയോഗപ്പെടുത്തി സ്വയം പ്രതിരോധിക്കുകയാണ് വേണ്ടത്. മുഹൈമിനായ അദ്ദി ക്ര്‍ ഇന്ന് ഗ്രന്ഥമായി രൂപപ്പെട്ടിരിക്കെ വിശ്വാസി അതിനെ മുറുകെപ്പിടിക്കുകവഴി നാഥനെ മുറുകെപ്പിടിച്ചുകൊണ്ട് നിലകൊള്ളുകയാണ് വേണ്ടത്. അതുതന്നെയാണ് 3: 102; 5: 48 സൂക്തങ്ങളില്‍ വിവരിച്ച പ്രകാരം നേരെച്ചൊവ്വെയുള്ള പാതയിലേക്ക് മാര്‍ഗദര്‍ശനം ചെയ്യപ്പെടാനുള്ള വഴിയും.2: 9-10; 3: 110-112; 8: 55; 41: 26-28 വിശദീകരണം നോക്കുക.