കഴിഞ്ഞ കാലങ്ങളെക്കുറിച്ച് ഓര്‍മിച്ച് പാഠം പഠിക്കാന്‍ തയ്യാറില്ലാത്ത കാഫിറുകള്‍ പറയുന്നതും ആദ്യം മരണത്തെക്കുറിച്ചും പിന്നെ ജനനത്തെക്കുറി ച്ചുമാണ്. 45: 24 ല്‍, 'ജീവിതമെന്നാല്‍ നമ്മുടെ ഐഹിക ജീവിതമല്ലാതെയല്ല, നാം മരിക്കുകയും ജീവിക്കുകയും ചെയ്യുന്നു, കാലമല്ലാതെ നമ്മെ നശിപ്പി ക്കുന്നുമില്ല എന്നാണ് വിധിദിവസത്തെക്കുറിച്ച് വിശ്വാസമില്ലാത്ത കാഫിറുകള്‍ പറയുക എന്നും; എന്നാല്‍ അവര്‍ക്ക് അതിനെക്കുറിച്ച് യാതൊരു അറി വുമില്ല, അവര്‍ ഊഹത്തെയല്ലാതെ പിന്‍പറ്റുന്നുമില്ല' എന്നും പറഞ്ഞിട്ടുണ്ട്. ത്രികാലജ്ഞാനമായ അദ്ദിക്ര്‍ ഉപയോഗപ്പെടുത്തുന്നവര്‍ മാത്രമേ നാലാംഘ ട്ടത്തിലുള്ള ഐഹികജീവിതം ശാശ്വതമായ ഏഴാംഘട്ടത്തിലേക്കുവേണ്ടി സ്വര്‍ഗം പണിയാനുള്ളതാണെന്ന് മനസ്സിലാക്കി പ്രവര്‍ത്തിക്കുകയുള്ളു. അ ല്ലാത്ത ഫുജ്ജാറുകളെല്ലാം തന്നെ എത്ര വിദ്യാസമ്പന്നരാണെങ്കിലും ശരി, ഭൂമിയിലുള്ള ജീവിതം എന്തിനാണെന്ന് മനസ്സിലാക്കാതെ ഐഹികജീവിത ത്തിന് പ്രാധാന്യം കൊടുക്കുന്നവരും പരലോകത്തെ വെടിയുന്നവരുമായിരിക്കും. 2: 201-202; 45: 31-33; 53: 31-32 വിശദീകരണം നോക്കുക.

ഈ ഐഹികലോക ജീവിതമാകട്ടെ കളിയും തമാശയുമല്ലാതെ മറ്റൊന്നുമല്ല, നിശ്ചയം പരലോകഭവനം, അതുതന്നെയാണ് യഥാര്‍ത്ഥജീവിതം, അവര്‍ അറിവുള്ളവരായിരുന്നുവെങ്കില്‍ എന്ന് 29: 64 ല്‍ പറഞ്ഞിട്ടുണ്ട്. അദ്ദിക്ര്‍ മനസ്സിലാക്കാനും പിന്‍പറ്റാനും തയ്യാറുള്ള സ്വര്‍ഗത്തിലേക്കുള്ള ആയിരത്തി ലൊന്നായ വിശ്വാസികള്‍ മാത്രമേ ഈ സൂക്തം അംഗീകരിച്ച് നിലകൊള്ളുകയുള്ളൂ. 2: 28; 6: 26, 165 വിശദീകരണം നോക്കുക.