അദ്ദിക്ര്‍ വന്നുകിട്ടിയിട്ട് ഉപയോഗപ്പെടുത്താത്തവര്‍ പരലോകം കൊണ്ട് വിശ്വസിക്കാത്തവരാണ്. നിഷ്പക്ഷവാനായ അല്ലാഹുവല്ല അവര്‍ക്ക് അവരുടെ പ്രവര്‍ത്തനങ്ങള്‍ അലങ്കാരമാക്കി കാണിച്ചുകൊടുക്കുന്നത്, മറിച്ച് 6: 43; 27: 24 സൂക്തങ്ങളില്‍ വിവരിച്ച പ്രകാരം പിശാചാണ് അലങ്കാരമാക്കി കാണിച്ചു കൊടുക്കുന്നത്. എന്നാല്‍ സൂക്തത്തില്‍ 'നാം അലങ്കാരമാക്കിക്കൊടുത്തിരിക്കുന്നു' എന്നുപറഞ്ഞത് പിശാച് അല്ലാഹുവിന്‍റെ സൃഷ്ടിയായതുകൊണ്ടും അവന്‍റെ നിയന്ത്രണത്തിലായതുകൊണ്ടുമാണ്. സന്മാര്‍ഗവും ദുര്‍മാര്‍ഗവും വിശദീകരിക്കുന്ന അദ്ദിക്ര്‍ സ്വര്‍ഗത്തില്‍ വെച്ചുതന്നെ പഠിപ്പിക്കപ്പെട്ടിട്ടുള്ള തിനാല്‍ തന്‍റെവഴികേടിന് ഒരാള്‍ക്കും നിഷ്പക്ഷവാനായ അല്ലാഹുവിനെയോ പിശാചിനെയോ മാതാ-പിതാക്കളെയോ പണ്ഡിതപുരോഹിതന്മാരെയോ പഴിചാരി രക്ഷപ്പെടാന്‍ സാധിക്കുകയില്ല. അദ്ദിക്റില്‍ നിന്ന് സത്യമായ അല്ലാഹുവിന്‍റെ വഴിയും മിഥ്യയായ പിശാചിന്‍റെ വഴികളും തിരിച്ചറിയാത്തവര്‍ 10: 100 ല്‍ വിവരിച്ച പ്രകാരം വിശ്വാസികളാവുകയില്ല. 2: 186 ല്‍ വിവരിച്ച പ്രകാരം വിശ്വാസിയാകാതെ പ്രവര്‍ത്തനങ്ങളൊന്നും തന്നെ സ്വീകരിക്കപ്പെടുകയുമില്ല. 4: 78-79; 7: 38-39; 25: 65-66 വിശദീകരണം നോക്കുക.