അദ്ദിക്ർ

67: 23 ല്‍, നീ പറയുക, അവനാണ് നിങ്ങളെ നട്ടുവളര്‍ത്തിയത്, നിങ്ങള്‍ക്ക് അവന്‍ കേള്‍വിയും കാഴ്ചയും ബുദ്ധിശക്തിയും നല്‍കി, നിങ്ങളില്‍ അല്‍പം പേര്‍ മാത്രമേ നന്ദി പ്രകടിപ്പിക്കുന്നവരായുള്ളൂ എന്ന് പറഞ്ഞിട്ടുണ്ട്. ഓരോരുത്തര്‍ക്കും വിശ്രമസ്ഥലമുണ്ട് എന്ന് പറഞ്ഞത് നാലാം ഘട്ടത്തിലുള്ള ഭൂമിയിലുള്ള പാര്‍പ്പിടത്തെക്കുറിച്ചാണ്. സൂക്ഷിപ്പുസ്ഥലം കൊണ്ടുദ്ദേശിക്കുന്നത് മരണശേഷമുള്ള ശരീരത്തിന്‍റെ സൂക്ഷിപ്പുസ്ഥലം -ഗോഡൗണ്‍- ആണ്. 11: 6 ല്‍, ഭൂമിയിലുള്ള ഒരു ജീവജാലവുമില്ല, അല്ലാഹുവിന്‍റെ പക്കല്‍ അതിന്‍റെ ഭക്ഷണമുണ്ടായിട്ടല്ലാതെ, അതിന്‍റെ വിശ്രമസ്ഥലവും അതിന്‍റെ മരണശേഷമുള്ള സങ്കേതവും അല്ലാഹു അറിയുന്നു, എല്ലാം ഒരു വ്യക്തമായ ഗ്രന്ഥത്തില്‍ രേഖപ്പെടുത്തി വെച്ചിട്ടുണ്ട് എന്ന് പറഞ്ഞിട്ടുണ്ട്. അവരില്‍ നിന്ന് എന്താണ് ഭൂമിയില്‍ ചുരുങ്ങിപ്പോവുക എന്ന് നിശ്ചയം നമുക്കറിയാം, നമ്മുടെ പക്കല്‍ സൂക്ഷിച്ചിട്ടുള്ള ഒരു ഗ്രന്ഥത്തില്‍ അതെല്ലാം രേഖപ്പെടുത്തിവെച്ചിട്ടുണ്ട് എന്ന് 50: 4 ല്‍ പറഞ്ഞിട്ടുണ്ട്. പ്രസ്തുത ഗ്രന്ഥം 10: 61 ല്‍ പറഞ്ഞ ത്രികാലജ്ഞാനമായ അദ്ദിക്ര്‍ തന്നെയാണ്. 4: 78; 6: 27-28, 59 വിശദീകരണം നോക്കുക.