നിങ്ങള്‍ പ്രവര്‍ത്തിച്ചാലേ ഒരു കാര്യം സാധ്യമാവൂ എന്ന് കരുതരുത്, അല്ലാഹുവിന്‍റെ ദീനിനെ സേവിക്കാനുള്ള ഒരു അവസരം നിങ്ങള്‍ക്ക് നല്‍കിയത് അവന്‍റെ മഹത്തായ കാരുണ്യവും അനുഗ്രഹവുമാണ്. ആ അവസരം നിങ്ങള്‍ പാഴാക്കുകയാണെങ്കില്‍ ആ കാര്യം നിര്‍വഹിക്കാന്‍ അവന്‍ നിങ്ങളുടെ സ്ഥാനത്ത് മറ്റൊരു ജനതയെ കൊണ്ടുവരികയും നിങ്ങളെ നിര്‍ഭാഗ്യവാന്മാരാക്കുകയും ചെയ്യും എന്നാണ് പറയുന്നത്. 

3: 58 ല്‍ പറഞ്ഞ യുക്തിനിര്‍ഭര ഗ്രന്ഥമായ അദ്ദിക്റിനെ അറബി ഖുര്‍ആന്‍ വായി ക്കുന്ന ഈ കെട്ടജനത മൂടിവെക്കുകയാണെങ്കില്‍ 6: 89-90 സൂക്തങ്ങളില്‍ വിവരിച്ച പ്ര കാരം അതിനെ മൂടിവെക്കാത്ത, പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങളെ അത് ഏല്‍പിക്കുന്നതാണ്. നിഷ്പക്ഷവാനായ നാഥന്‍ ഒരാളെയും സ്വര്‍ഗത്തിലേക്കോ നരകത്തിലേക്കോ അയക്കുന്നില്ല. 9: 31 ല്‍ വിവരിച്ച പ്രകാരം സ്വര്‍ഗത്തിലേക്കുള്ള ടിക്കറ്റായ അദ്ദിക്റിനെ മൂടിവെക്കുന്ന കപടവിശ്വാസികളെയും അതിനെ തള്ളിപ്പറയുന്ന അവരുടെ അനുയായികളെയും നരകക്കുണ്ഠത്തിന്‍റെ 7 വാതിലുകളില്‍ ഒന്നിലേക്ക് നിജപ്പെടുത്തിവെച്ചിരിക്കുകയാണ്. 2: 62; 4: 133; 5: 54; 47: 38 വിശദീകരണം നോക്കുക.