63: 4 ല്‍ വിവരിച്ച പ്രകാരം അല്ലാഹു കൊന്നുകളഞ്ഞ കപടവിശ്വാസികള്‍, 7: 26 ല്‍ പറഞ്ഞ ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദി ക്റിനെ തന്‍റെ സ്വഭാവവും ചര്യയുമായി പിന്‍പറ്റിയിരുന്ന പ്രവാചകനെ 63: 1 ല്‍ വിവരിച്ച പ്രകാരം നാവുകൊണ്ട് അംഗീകരിച്ചിരുന്നുവെങ്കിലും അവ രുടെ പ്രയോഗികജീവിതത്തില്‍ അംഗീകരിച്ചിരുന്നില്ല. എന്നാല്‍ അവരുടെ തനിനിറം പുറത്തുകൊണ്ടുവരുന്ന സൂക്തങ്ങള്‍ അവതരിക്കപ്പെടുമ്പോള്‍ എഴുത്തും വായനയും അറിയാത്ത നിരക്ഷരനായ ഒരുവന്‍റെ വാക്കുകളല്ല ഇതെന്ന് അവര്‍ മനസ്സാ സമ്മതിച്ചിരുന്നു. നെഞ്ചകങ്ങളുടെ അവസ്ഥ അറിയു ന്ന അല്ലാഹു അവരുടെ ഉള്ളിലുള്ളത് മുഴുവനും പുറത്ത് കൊണ്ടുവരുമോ എന്ന് ഭയപ്പെട്ടുകൊണ്ട് പ്രവാചകന്‍റെ സമീപത്ത് വരാതെ ഒളിഞ്ഞും മറഞ്ഞും നടക്കുകയും വിശ്വാസികള്‍ക്കിടയില്‍ തെറ്റിദ്ധാരണകള്‍ സൃഷ്ടിക്കുന്ന പ്രയോഗങ്ങള്‍ നടത്തുകയും ചെയ്തിരുന്നു. ത്രികാലജ്ഞാനിയായ നാഥന്‍റെ സംസാരമായ അദ്ദിക്ര്‍ 15: 12; 26: 200 സൂക്തങ്ങളില്‍ പറഞ്ഞ പ്രകാരം കപടവിശ്വാസികളുടെ ഹൃദയങ്ങളിലേക്ക് ചുട്ടുപഴുത്ത കമ്പിയെന്നോണം തുളച്ച് കയറുന്ന വിധത്തില്‍ വിശദീകരിക്കുന്ന സദസ്സില്‍ വന്നാല്‍, അവരുടെ തനിനിറം പുറത്ത് കൊണ്ടുവരുന്ന എന്തെങ്കിലും പറഞ്ഞേക്കുമോ എന്ന് ഭയപ്പെട്ടുകൊണ്ട് നേരിട്ട് സദസ്സില്‍ വരാതെ പാത്തും പതുങ്ങിയും കേള്‍ക്കുകയാണ് ഇന്നത്തെ കപടവിശ്വാസികള്‍. 3: 7-10, 29-30; 8: 21 വിശദീകരണം നോക്കുക.