എല്ലാഓരോ പ്രവാചകന്മാരുടെയും ജനതയില്‍ നിന്നുള്ള കപടവിശ്വാസികളും കുഫ്ഫാറുകളും നാഥന്‍റെ സന്ദേശത്തെയും പ്രവാചകനെയും തള്ളിപ്പറയുന്നവരായിരുന്നു. 6: 47, 133 സൂക്തങ്ങളില്‍ വിവരിച്ച പ്രകാരം ജനങ്ങളെല്ലാം അദ്ദിക്റിനെ തള്ളിപ്പറഞ്ഞ് തെമ്മാടികളും അക്രമികളുമായപ്പോള്‍ നിഷ്പക്ഷവാനായ നാഥന്‍ അവരെ നശിപ്പിക്കുകയും പ്രവാചകനെയും കൂടെയുള്ള വിശ്വാസികളെയും രക്ഷപ്പെടുത്തുകയുമാണുണ്ടായത്. 4: 118 ല്‍ വിവരിച്ച പ്രകാരം ഓരോ പ്രവാചകന്‍റെയും ജനതയില്‍ നിന്നുള്ള എല്ലാഓരോ ആയിരത്തിലും 999 ഉം നരകക്കുണ്ഠത്തിലേക്ക് പോകുന്നതും അദ്ദിക്റിനെ സത്യപ്പെടുത്തി ജീവിക്കുന്ന ആയിരത്തില്‍ ഒന്നായ വിശ്വാസി സ്വര്‍ഗത്തിലേക്ക് തന്നെ തിരിച്ചുപോകുന്നതുമാണ്. 3: 7-10 സൂക്തങ്ങളില്‍ വിവരിച്ച പ്രകാരം പ്രവാചകന്‍റെ വിയോഗത്തിന് 30 വര്‍ഷങ്ങള്‍ക്കുശേഷം ഗ്രന്ഥം വായിക്കുന്നവര്‍ മൂന്ന് വിഭാഗങ്ങളാണ്. ഇവരില്‍ ഫാജിറുകളും കാഫിറുകളുമടങ്ങിയ ഫുജ്ജാറുകളുടെ പട്ടിക സിജ്ജീനിലാണെന്ന് 83: 7 ല്‍ വിവരിച്ചിട്ടുണ്ട്. അദ്ദിക്റിനെ വിസ്മരിച്ചത് കാരണം കെട്ടജനതയായിത്തീര്‍ന്ന ഇക്കൂട്ടര്‍ 29 കള്ളവാദികളെ പിന്‍പറ്റുന്നവരും മുപ്പതാമത്തെ കള്ളവാദിയായ അന്തിക്രിസ്തുവിനെ ആനയിക്കുന്നവരുമാണ്. 2: 62, 121; 7: 146-147; 8: 49-56 വിശദീകരണം നോക്കുക.