(അത്തൗബ) 9 : 7
كَيْفَ يَكُونُ لِلْمُشْرِكِينَ عَهْدٌ عِنْدَ اللَّهِ وَعِنْدَ رَسُولِهِ إِلَّا الَّذِينَ عَاهَدْتُمْ عِنْدَ الْمَسْجِدِ الْحَرَامِ ۖ فَمَا اسْتَقَامُوا لَكُمْ فَاسْتَقِيمُوا لَهُمْ ۚ إِنَّ اللَّهَ يُحِبُّ الْمُتَّقِينَ
മുശ്രിക്കുകള്‍ക്ക് അല്ലാഹുവിന്‍റെ അടുക്കലും അവന്‍റെ പ്രവാചകന്‍റെ അടുക്കലും കരാറുകള്‍ നിലനില്‍ക്കുന്നതെങ്ങനെ? മസ്ജിദുല്‍ ഹറമിനടുത്തുവെച്ച് നിങ്ങളുമായി കരാര്‍ ചെയ്തവരോടൊഴിച്ച്, അപ്പോള്‍ അവര്‍ നിങ്ങളോട് കരാര്‍ പാലിച്ച് നേരെച്ചൊവ്വേ വര്‍ത്തിക്കുകയാണെങ്കില്‍ നിങ്ങള്‍ അവരോടും നേരെ ചൊവ്വേ വര്‍ത്തിക്കുവിന്‍, നിശ്ചയം അല്ലാഹു സൂക്ഷ്മാലുക്കളെ ഇഷ്ടപ്പെടുന്നവനാകുന്നു.
ഇന്ന് ഇത്തരം സൂക്തങ്ങള്‍ അറബി ഖുര്‍ആനില്‍ വായിക്കുന്ന ഫുജ്ജാറുകള്‍ 2: 27; 7: 172; 8: 58 സൂക്തങ്ങളില്‍ വിവരിച്ച പ്രകാരം നാഥനുമായി ചെയ്ത ഉടമ്പടിയും മനുഷ്യരുമായി ചെയ്യുന്ന ഉടമ്പടികളും കരാറുകളും മുറിച്ചുകളയുന്നവരാണ്. ആയിരത്തില്‍ ഒന്നായ വിശ്വാസിയോട് 25: 52 പ്രകാരം അവരെ അനുസരിക്കരുതെന്ന് കല്‍പിച്ചിട്ടുണ്ട്. 2: 2; 30: 30-32 വിശദീകരണം നോക്കുക.