മൊത്തം മനുഷ്യരോടുള്ള പ്രപഞ്ചനാഥന്‍റെ സംസാരമായ അദ്ദിക്ര്‍ കേള്‍ക്കാത്തവരും കിട്ടാത്തവരുമായ ജനവിഭാഗങ്ങള്‍ക്ക് അഭയം നല്‍കണമെന്നും സുരക്ഷിതസ്ഥാനത്തേക്ക് അവരെ അകമ്പടി സേവിച്ച് എത്തിച്ചുകൊടുക്കണമെന്നും വിശ്വാസികളോട് കല്‍പ്പിക്കുകയാണ്. ഈ സൂക്തത്തില്‍ പറഞ്ഞ മുശ്രിക്കുകള്‍ (ബഹുദൈവവിശ്വാസികള്‍) പ്രവാചകന്‍റെ സമുദായത്തില്‍ പെട്ട ബഹുദൈവാരാധകരും വിഗ്രഹാരാധകരുമാണ്. ഈ സൂക്തത്തിന്‍റെ അടിസ്ഥാനത്തിലാണ് ഗ്രന്ഥം ലഭിക്കാത്ത ഇതരജനവിഭാഗങ്ങളോട് സഹവസിക്കേണ്ടതെങ്കില്‍ നിഷേധത്തിനുമേല്‍ നിഷേധം കൈക്കൊള്ളുന്ന, അദ്ദിക്റിനെ മൂടിവെക്കുന്ന നിങ്ങള്‍ക്കിടയിലുള്ള കുഫ്ഫാറുകളെ നിങ്ങള്‍ വധിച്ചുകളയുക, നിങ്ങളില്‍ അവര്‍ കാര്‍ക്കശ്യവും ദേഷ്യവും കണ്ടെത്തട്ടെ എന്നാണ് 9: 123 ല്‍ വിശ്വാസികളെ വിളിച്ച് അല്ലാഹു പറഞ്ഞിട്ടുള്ളത്. ഈ സൂക്തത്തില്‍ പറഞ്ഞ കുഫ്ഫാറുകളില്‍ ഉള്‍പ്പെടുക 48: 6; 98: 6 സൂക്തങ്ങളില്‍ പറഞ്ഞ കപടവിശ്വാസികളും അവരുടെ അനുയായികളായ മുശ്രിക്കുകളുമാണ്. എന്നാല്‍ ഇന്ന് ലോകത്തെവിടെയും വിശ്വാസികളുടെ സംഘമില്ലാ ത്തതിനാല്‍ 3: 153; 8: 49 സൂക്തങ്ങളില്‍ വിവരിച്ച പ്രകാരം അദ്ദിക്റിനെ മൂടിവെക്കുന്ന കപടവിശ്വാസികളോടും അതിനെ തള്ളിപ്പറയുന്ന കുഫ്ഫാറുകളോടും അദ്ദിക്ര്‍ കൊണ്ട് അധികരിച്ച ജിഹാദ് ചെയ്യാനാണ് ഒറ്റപ്പെട്ട വിശ്വാസി കല്‍പിക്കപ്പെട്ടിട്ടുള്ളത്. കൂടാതെ 2: 25, 62; 8: 40 സൂക്തങ്ങളില്‍ വിവരിച്ച പ്രകാരം മാനുഷിക ഐക്യം സ്ഥാപിതമാകുന്നതിനുവേണ്ടി ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കുകയും വേണം. 7: 205-206; 8: 74-75 വിശദീകരണം നോക്കുക.