വിശ്വാസികള്‍ സംഘബലമോ അധികാരമോ ഇല്ലാത്തവരായിരുന്നതിനാല്‍ അവരോടുള്ള സന്ധികളും കരാറുകളും മുറിച്ചുകളഞ്ഞാല്‍ ആരാണ് ഇവിടെ ചോദ്യം ചെയ്യാനുള്ളതെന്നമട്ടില്‍ ധിക്കാരപൂര്‍വ്വം മക്കാമുശ്രിക്കുകളില്‍ അധികപേരും ലംഘിച്ചിരുന്നു. മുഹമ്മദ് പറയുന്നത് സത്യമാണന്ന് അറിയാവുന്നവരായിരുന്നു അവരില്‍ പലരും. അതുകൊണ്ടാണ് അവരെ തെമ്മാടികളെന്ന് പറഞ്ഞത്. 41: 41-42 സൂക്തങ്ങളില്‍ പറഞ്ഞ മിഥ്യയൊന്നും കടന്നുകൂടാത്ത, ത്രികാലജ്ഞാനിയില്‍ നിന്നുള്ള അജയ്യമായ അദ്ദിക്ര്‍ ഇന്നൊരു ഗ്രന്ഥമായി രൂപപ്പെട്ടിരിക്കെ, അറബി ഖുര്‍ആന്‍ വായിക്കുന്ന ഫുജ്ജാറുകളില്‍ നിന്ന് ആരാണോ വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും അതുകൊണ്ട് വിധികല്‍പിക്കാത്തത്, അവര്‍ തന്നെയാണ് കാഫിറുകളും അക്രമികളും തെമ്മാടികളുമെന്ന് യഥാക്രമം 5: 44, 45, 47 സൂക്തങ്ങളില്‍ പറഞ്ഞിട്ടുണ്ട്. 3: 101-102; 5: 48 സൂക്തങ്ങളില്‍ വിവരിച്ച പ്രകാരം എല്ലാവിധ ആപത്ത് വിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന അദ്ദിക്റിനെ മുറുകെപ്പിടിക്കുകവഴി നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയില്‍ നിലകൊള്ളുന്നവനാണ് വിശ്വാസി എന്നിരിക്കെ അവനെ ഉപദ്രവിക്കാന്‍ ആര്‍ക്കും സാധ്യമല്ല. 2: 99; 7: 146-147; 8: 55 വിശദീകരണം നോക്കുക.